"Neftçi"dən iki yaş böyük korifeyin yubileyi

"Neftçi"dən iki yaş böyük korifeyin yubileyi
XƏBƏR 5 Oktyabr 2010 / 13:22 1541
-  A +

Bu gün - oktyabrın 5-də Azərbaycanın ən məşhur mütəxəssilərindən biri olan Əhməd Ələsgərovun doğum günüdür. Qol.Az-ın məlumatına görə, o, 1935-ci ildə Bakı şəhərində anadan olub. Əhməd Ələsgərov 1956-1965-ci illərdə "Neftçi"nin şərəfini qoruyub. Komandanın kapitanı funksiyasını da daşımış yarımmüdafiəçi SSRİ çempionatında və kubokunda meydana çıxdığı 210 oyunda 17 qolun müəllifi olub.
Əhməd Ələsgərovun "Neftçi"nin baş məşqçisi kimi xidmətləri daha böyükdür. O, 1966-cı ildə "ağ-qaralar"a SSRİ çempionatının bürünc, 1992-ci ildə isə müstəqil Azərbaycan çempionatının qızıl medallarını qazandırmaqla yanaşı, "Neftçi"ni ən çox oyuna çıxarmış baş məşqçi kimi klubun tarixinə düşüb. 1966-1970, 1979-1982, 1991-1992, 1999-2000-ci illərdə flaqmanı çalışdırmış Ələsgərov bu müddət ərzində 425 oyunda komandanın baş məşqçisi olub.
Futbolçuları psixoloji cəhətdən hazırlamasına görə dünyanın ən güclü məşçilərinin də həsəd apara biləcəyi Ələsgərov Tacikistanın "Pamir" (Düşənbə, 1972), Ukraynanın "Çernomorets" (Odessa, 1973-1977), Naxçıvanın "Araz" (1979), Moldovanın "Nistru" (Kişinyov, 1988-1989) və "Şerif" (Tiraspol, 1997-1998) klublarını da çalışdırıb və 1974-cü ildə "Çernomorets"ə SSRİ çempionatının bürünc medallarını qazandırıb.
1992-1993 və 1998-2000-ci illərdə Azərbaycan yığma komandasının sükanı arxasına keçən mütəxəssis millinin ilk məşqçisi kimi tarixə düşüb.
O, Azərbaycan, Ukrayna və Tacikistanın əməkdar məşqçisidir.

“Neftçi”nin rəsmi saytı

Daha çox


Son xəbərlər