Petar Zlatinov: “Onların köpüyünü yatırdıq”

Petar Zlatinov: “Onların köpüyünü yatırdıq”
XƏBƏR 4 Oktyabr 2010 / 15:26 2173
-  A +

Son ölkə çempionu “İnter”in yarımmüdafiəçisi Petar Zlatinov “Muğan”la keçirilən oyun barəsində fikirlərini bölüşüb. Qol.Az-ın məlumatına görə, klubun rəsmi saytına müsahibə verən təcrübəli futbolçu bir sıra məqamlara aydınlıq gətirib:
- Petar, oyun haqqında fikirlərini bilmək istərdik...
- Oyun çox çətin keçdi. Ötən turda biz “Gəncə”yə məğlub olduq, “Muğan” isə “Simurq”u məğlub etdu. Bu vəziyyət rəqibə xüsusi inam verirdi. “Muğan” qalib gəlmək istəyirdi, lakin onların köpüyünü yatırdıq və layiqli qələbə qazandıq. Biz həm birinci, həm də ikinci hissəni yaxşı oynadıq. Daha əvvəl qol vurmalıydıq, lakin təəssüf ki, bunu edə bilmədik.
- Birinci hissədə sən “Muğan”ın qapısını fəal şəkildə hədəfə almışdın, amma qol vura bilmədin. Bunu etməyə nə mane oldu?
- Nəyin mane olduğunu bilmirəm. Əgər bilsəydim, mütləq qol vurardım (gülür). Növbəti oyunlarda mütləq fərqlənəcəyimə ümid edirəm.
- Səni əvəz edən zaman nümayişkarənə şəkildə baş hakimin əlini sıxdın...
- Yox, nümayişkarənə şəkildə sıxmadım. Sadəcə, işinə görə “sağ ol” dedim.
- Oyunun sonu kifayət qədər emosianal alındı...
- Bu, gərginliyin yüksək konsentrasiyasıyla bağlıdır. Buraxılan qoldan sonra “Muğan” bir qədər özündən çıxdı, amma belə olur. Axı, bu futboldur!

Daha çox


Son xəbərlər