“Kapital Bank U-15 Liqa”nın püşkü atıldı

“Kapital Bank U-15 Liqa”nın püşkü atıldı
XƏBƏR 4 Oktyabr 2010 / 15:12 2369
-  A +

Bu gün AFFA-nın inzibati binasında «Kapital Bank U-15 Liqa»nın 2010-2011-ci il mövsümünün püşkatma mərasimi keçirilib. Qol.Az-ın məlumatına görə, tədbirdə AFFA-nın baş katibi Elxan Məmmədov çıxış edərək xatırladıb ki, İcraiyyə Komitəsinin qərarına uyğun olaraq, ötən il AFFA-nın U-13, U-15 və U-17 liqası yaradılıb və bu liqaların oyunları uğurla keçirilib. Ölkəmizdə uşaq futbolunun inkişafı məqsədilə AFFA ilə əməkdaşlıq edən Kapital Banka assosiasiya rəhbərliyinin adından minnətdarlığını bildirən baş katib, bu il keçiriləcək «Kapital Bank U-15 Liqa»nın da yüksək səviyyədə təşkil olunacağına ümid bəslədiyini qeyd edib. Kapital Bankın nümayəndəsi Fərid Bəxtiyarov «Kapital Bank U-15 Liqa»da mübarizə aparacaq komandalara uğurlar arzulayıb.
Çıxışlar başa çatdıqdan sonra «Kapital Bank U-15 Liqa»nın ötən mövsümünün final oyunundan hazırlanmış videoçarx nümayiş etdirilib. AFFA-nın Uşaq və Gənclər üzrə Yarışların Təşkili Şöbəsinin rəisi Elçin Məmmədov liqanın Əsasnaməsi barədə məlumat verdikdən sonra püşk atılıb. Püşkatmanın nəticəsinə uyğun olaraq, ilk turda aşağıdakı oyunlar keçiriləcək:
 
A qrupu
«İnter» - MOİK
«Qəbələ» - AZAL
«Xəzər Lənkəran» - «Turan»
«Qarabağ» - «Vətən»
 
B qrupu
«Neftçi» - «Muğan»
«Neftçi» İSM – «Gəncə»
«MKT-Araz» - «Simurq»
«Bakı» - OEUGİM

Daha çox


Son xəbərlər