Avstriyanın “Tvente”də oynayan kapitanı Cavadovdan ehtiyatlanır

Avstriyanın “Tvente”də oynayan kapitanı Cavadovdan ehtiyatlanır
XƏBƏR 4 Oktyabr 2010 / 14:45 2092
-  A +

Hollandiyanın “Tvente” klubunun hücumçusu və Avstriya yığmasının kapitanı olan Mark Yanko Azərbaycanla oyun öncəsi maraqlı fikirlər səsləndirib. Qol.Az-ın məlumatına görə, Yanko AÇ-2012-nin seçmə mərhələsi çərçivəsində həm Azərbaycan, həm də Belçikaya qarşı oyunlardan üç xalla ayrılmaq istəyir. “Berti Foqts çox təcrübəli bir mütəxəsisdir. Foqts bir neçə həftədir ki, komandasını intensiv məşq etdirir. Görünür ki, qarşıdakı  oyunlara çox ciddi hazırlaşır. Zəif rəqiblərə qarşı oynamaq həmişə çətin olur. Lakin Azərbaycan yığmasını birmənalı şəkildə zəif adlandırmaq olmaz. Çünki onların Vaqif Cavadov kimi təcrübəli hücumçuları var. Vaqif ötən mövsüm “Tvente”yə böyük ümidlərlə transfer olunmuşdu. Lakin təəssüf ki, oyunu alınmadı.  Onun səviyyəli bir oyunçu olduğuna şübhəm yoxdur. Lakin Vaqifin bir qədər qayğıya, mənəvi dəstəyə ehtiyacı var. Düşünürəm ki, Vaqif Vyanadakı oyunda da bizə başağrısı olacaq. Ona qarşı çox ehtiyatlı oynamalıyıq”. 
Qeyd edək ki, oktyabrın 8-də baş tutacaq Avstriya - Azərbaycan oyunu Bakı vaxtı ilə saat 23:30-da başlayacaq.

Daha çox


Son xəbərlər