“Bursaspor” ilk xal itkisilə, “Beşiktaş” məğlubiyyətlə üzləşdi

XƏBƏR 4 Oktyabr 2010 / 00:24 2369

- A +

Türkiyə Superliqasında 7-ci turun oyunlarına yekun vurulub. Qol.Az-ın məlumatına görə, dünən gecə baş tutan son oyun günündə 4 qarşılaşma oynanılıb. “İstanbul BB” doğma meydanda cari mövsümün xal itirməyən yeganə komandası – son ölkə çempionu “Bursaspor”u qəbul edib. Lakin bursalılar ilk dəfə qələbəyə həsrət qalıb. Liderin əsas izləyicilərindən “Beşiktaş” da turu xal itkisiylə başa vurub. “Qara qartallar” səfərdə “Trabzonspor”la prinsipial qarşılaşmadan minimal hesablı yenilgiylə ayrılıb. “Sivasspor” – “Qaziantepspor” matçı heç-heçə bitərkən, “Antalyaspor” “Kasımpaşa”ya qalib gəlib.
Qeyd edək ki, bu turun ilk oyun günündə həmyerlimiz Rəşad Sadıqovun komandası “Eskişəhərspor” səfərdə “Bucaspor”la qarşılaşmadan qolsuz heç-heçəylə ayrılıb. Gecənin digər oyununda isə sürpriz nəticə qeydə alınıb. Son oyunlarda qələbələri sıralayan “Qalatasaray” gözlənilmədən “Karabükspor” səfərindən yenilgiylə ayrılmalı olub. “Manisaspor” doğma meydanda “Kayserispor”a yenilib. “Ankaragücü” isə doğma meydanda “Konyaspor”a divan tutub. Çempionluğa iddialılardan “Fənərbaxça” da əzəli rəqibi “Qalatasaray”ın xal itirdiyi turu qələbəylə başa vurub. “Sarı-lacivərdlilər” “Gənclərbirliyi” üzərində asan qələbə sayəsində daha 3 xal qazanıb.

Türkiyə Superliqası
7-ci tur
1 oktyabr

“Bucaspor” – “Eskişəhərspor” – 0:0

“Karabükspor” – “Qalatasaray” – 2:1
Qollar: Çernat, 2-pen. Özmert, 11 – Özbek, 76.

2 oktyabr

“Manisaspor” – “Kayserispor” – 0:2
Qollar: Ömər Şişmanoğlu, 28. Morits, 71-pen.

“Ankaragücü” – “Konyaspor” – 4:1
Qollar: Metin Akan, 44. Raynoç, 64. Özgür Çek, 67. Şestak, 90 – Qrayçyar, 27-pen.

“Fənərbaxça” – “Gənclərbirliyi” – 3:0
Qollar: Nyanq, 21. Demir, 27-öz qapısına. Dos Santos, 88.
Matçın 67-ci dəqiqəsində “Gənclərbirliyi”nin üzvü Jedinak qırmızı vərəqə alıb.

3 oktyabr

“İstanbul BB” – “Bursaspor” – 0:0

“Sivasspor” – “Qaziantepspor” – 1:1
Qollar: Mehmet Yıldız, 57 – Souza, 37.

“Antalyaspor” – “Kasımpaşa” – 3:1
Qollar: Tita, 40; 71. Seras, 56 – Martin, 9.

“Trabzonspor” – “Beşiktaş” – 1:0
Qol: Yumlu, 51.
Matçın 90-cı dəqiqəsində “Trabzonspor”un oyunçusu Qutyerres qırmızı vərəqə alıb.

1	"Bursaspor"	6	5	1	0	8-1	16
2	"Trabzonspor"	7	4	2	1	13-6	14
3	"Kayserispor"	7	4	2	1	9-3	14
4	"Fənərbaxça"	7	4	1	2	20-10	13
5	"Beşiktaş"	7	4	1	2	12-6	13
6	"Karabükspor"	7	4	1	2	12-10	13
7	"Qalatasaray"	7	4	0	3	10-8	12
8	"Antalyaspor"	7	3	2	2	9-10	11
9	"Ankaragücü"	7	3	1	3	11-9	10
10	"İstanbul BB"	7	3	1	3	8-8	10
11	"Gənclərbirliyi"	7	2	2	3	4-10	8
12	"Qaziantepspor"	6	1	4	1	4-4	7
13	"Bucaspor"	7	1	3	3	4-5	6
14	"Manisaspor"	7	2	0	5	10-14	6
15	"Konyaspor"	7	1	3	3	8-12	6
16	"Sivasspor"	7	1	3	3	6-15	6
17	"Eskişəhərspor"	7	0	3	4	4-9	3
18	"Kasımpaşa"	7	0	2	5	5-17	2

Daha çox