“Borussiya” “Bavariya”nı da devirdi, “Ştutqart” yenə uduzdu

XƏBƏR 4 Oktyabr 2010 / 00:11 1878

- A +

Almaniya Bundesliqasında 7-ci turun oyunlarına yekun vurulub. Qol.Az-ın məlumatına görə, hesabat turunun son oyun günündə 3 qarşılaşma keçirilib. Turun mərkəzi oyununda Dortmund “Borussiya”sı “Bavariya”nı qəbul edib və son ölkə çempionunu məğlub yola salıb. “Bayer” – “Verder” matçında isə tərəflərin hərəyə iki qolu qalibi müəyyənləşdirməyə yetməyib. Nəhayət “Ştutqart” – “Ayntraxt” oyununda cari mövsümün əsas uğursuzlarından olan meydan sahibləri növbəti məğlubiyyətini alıb.
Qeyd edək ki, turun digər oyunları əvvəlki günlərdə keçirilmişdi. İlk oyun günündə “Hannover” doğma azarkeşlərinin gözü qarşısında “Sankt Pauli”ylə münasibətlərinə aydınlıq gətirib. Meydan sahibləri qələbə qazanmaqla, liderlər qrupundakı mövqeyini daha da yaxşılaşdırmaq şansına malik olsa da, prinsipial qarşılaşmada 3 xal qonaqlara qismət olub. “Frayburq” növbəti qələbəsini qazanmaqla, liderlər qrupundakı mövqeyini yaxşılaşdırıb. “Hamburq” isə “Kayzerslautern” üzərində əzmkar qələbəyə sevinib. “Volfsburq” Münhenqladbax səfərindən xal itkisiylə döndüyü halda, Bundesliqanın cari mövsümünün sürpriz komandası “Maynts” hamını təəccübləndirməkdə davam edir. Bu komanda keçirdiyi 7-ci oyununu da qələbəylə başa vurmaqla, maksimum nəticə göstərməkdədir. Cari mövsümün əsas uğursuzlarından hesab olunan “Şalke” isə bu dəfə də yenilgiylə üzləşib.

Almaniya Bundesliqası
7-ci tur

1 oktyabr

“Hannover” – “Sankt Pauli” – 0:1
Qol: Ebbers, 6.
Matçın 80-ci dəqiqəsində “Hannover”in oyunçusu Haqquy qırmızı vərəqə alıb.

2 oktyabr

“Frayburq” – “Köln” – 3:2
Qollar: Rosental, 4; 11. Sisse, 70 – Mohamad, 22. Matusçik, 50.

“Hamburq” – “Kayzerslautern” – 2:1
Qollar: Kaçar, 69. Motinq, 84 – Lakiç, 3.

“Maynts” – “Hoffenhaym” – 4:2
Qollar: Allaquy, 2. Tsalay, 47. Luis, 59-öz qapısına. Şörl, 74 – Ba, 41. Siqurdsson, 64.
Matçın 72-ci dəqiqəsində “Hoffenhaym”ın üzvü Simuniç qırmızı vərəqə alıb.

“Borussiya” (Münhenqladbax) – “Volfsburq” – 1:1
Qollar: Marks, 65 – Kahlenberq, 27.

“Nürnberq” – “Şalke” – 2:1
Qollar: Frants, 62. Volf, 84 – Huntelaar, 74.
Matçın 53-cü dəqiqəsində “Şalke”nin üzvü Cons qırmızı vərəqə alıb.

3 oktyabr

“Ştutqart” – “Ayntraxt” – 1:2
Qollar: Poqrebnyak, 85 – Gekas, 18. Kris, 68.
Matçın 84-cü dəqiqəsində “Ştutqart”ın oyunçusu Delpyerre qırmızı vərəqə alıb.

“Bayer” – “Verder” – 2:2
Qollar: Helmes, 16. Derdiyok, 78 – Almeyda, 53. Marin, 62.

“Borussiya” (Dortmund) – “Bavariya” – 2:0
Qollar: Barrios, 52. Nuri Şahin, 60.

1	"Maynts"	7	7	0	0	18-7	21
2	"Borussiya" D	7	6	0	1	18-5	18
3	"Hannover"	7	4	1	2	11-8	13
4	"Frayburq"	7	4	0	3	11-11	12
5	"Bayer"	7	3	3	1	15-12	12
6	"Hoffenhaym"	7	3	2	2	13-10	11
7	"Hamburq"	7	3	2	2	12-11	11
8	"Volfsburq"	7	3	1	3	12-11	10
9	"Sankt Pauli"	7	3	1	3	8-8	10
10	"Ayntraxt"	7	3	0	4	11-9	9
11	"Nürnberq"	7	2	3	2	7-8	9
12	"Bavariya"	7	2	2	3	5-8	8
13	"Verder"	7	2	2	3	11-16	8
14	"Kayzerslautern"	7	2	1	4	9-13	7
15	"Borussiya" M	7	1	3	3	11-20	6
16	"Köln"	7	1	2	4	7-13	5
17	"Şalke"	7	1	1	5	8-14	4
18	"Ştutqart"	7	1	0	6	12-15	3

Daha çox