17 yaşlıların çempionatında iki müsabiqədənkənar iştirakçı

17 yaşlıların çempionatında iki müsabiqədənkənar iştirakçı
XƏBƏR 1 Oktyabr 2010 / 13:36 1941
-  A +

Bu gün AFFA-nın inzibati binasında «Azercell U-17 liqa»nın 2010/11-ci il mövsümünün püşkatma mərasimi keçirilib. Qol.Az-ın AFFA-nın rəsmi saytına istinadən məlumatına görə, liqada mübarizə aparacaq klubların və Kütləvi İnformasiya Vasitələri nümayəndələrinin iştirak etdiyi tədbirdə əvvəlcə AFFA-nın baş katibinin müavini Elxan Əsədov çıxış edərək, ötən mövsüm keçirilmiş «Azercell U-17 liqa»nın uğurla başa çatdığını, bu liqa sayəsində yeniyetmələrin futbolla peşəkar şəkildə məşğul olmasına şərait yaradıldığını deyib, yarış iştirakçılarına növbəti mövsümdə uğurlar arzulayıb. Sonra Azercell şirkətinin Korporativ Ünsiyyət və Sosial Məsuliyyət bölümünün rəhbəri Ülviyyə Həsənzadə AFFA ilə Azercell arasındakı əməkdaşlığın müsbət nəticələrini vurğulayıb, Azercell-in yeniyetmə futbolçuların yetişməsi üçün AFFA ilə əməkdaşlığını davam etdirəcəyini tədbir iştirakçılarının diqqətinə çatdırıb. Çıxışlar başa çatdıqdan sonra «Azercell U-17 liqa»nın püşkü atılıb.
Qeyd edək ki, U-17 liqasında 17 komanda mübarizə aparacaq. ROİL və «Bakı-2» komandaları müsabiqədənkənar iştirak edəcək. Püşkün nəticəsinə əsasən, MOİK-in istirahət edəcəyi ilk turda aşağıdakı oyunlar keçiriləcək:
 
1-ci tur
12 oktyabr (çərşənbə axşamı)
«Bakı-2» – ROİL
«Qarabağ» – AZAL
«Muğan» – «MKT-Araz»
«İnter» – «Qəbələ»
«Bakı» – «Neftçi»
«Gəncə» – «Turan»
«Simurq» – «Gənclik»
«Xəzər Lənkəran» – «Neftçi» İSM


Son xəbərlər