Almir Hurtiç son ölkə çempionuna meydan oxudu

Almir Hurtiç son ölkə çempionuna meydan oxudu
XƏBƏR 30 Sentyabr 2010 / 21:00 1985
-  A +

"Matçın maraqlı məcrada keçəcəyini düşünürəm. "Muğan" və "İnter" Premyer Liqanın iddialı komandaları sayılırlar. Çünki bu komandalar hazırda turnir cədvəlinin 4-5-ci pilələrində qərarlaşıblar. "Muğan" qələbə qazanacağı halda turnir cədvəlində bir pillə irəliləmək şansına malik olmasa da, rəqibi ilə arasındakı xal fərqini minimuma endirmiş olacaq". Qol.Az-ın “Muğan”ın rəsmi saytına istinadən məlumatına görə, bu sözləri Salyan klubunun baş məşqçisi Almir Hurtiç deyib.
Unibank Premyer Liqasının növbəti turunda son ölkə çempionu ilə qarşılaşacaq “Muğan”ın baş məşqçisi bütün hallarda qələbə qazanmaq istədiklərini bildirib: "Bizi qələbə daha çox maraqlandırır. Çünki turnir cədvəlində bizdən sonra gələn rəqiblərimizi də bizdən 1 xal ayırır. Buna görə də səylərimizi qələbə üçün cəmləyəcəyik".
Bosniyalı mütəxəssis heyətdə heç bir itkilərinin olmadığını da vurğulayıb.
Qeyd edək ki, “İnter” – “Muğan” matçı sabah “Şəfa” stadionunda keçiriləcək. 18:00–da start götürəcək qarşılaşma ərəfəsində adı çəkilən komandaları bir–birindən 4 xal ayırır. “İnter” 13 xalla turnir cədvəlinin 4–cü, “Muğan” isə 9 xalla 5-ci pillədə mövqe tutub.


Son xəbərlər