Berti Foqts "İnter"in üç futbolçusunu milliyə çağırdı

Berti Foqts "İnter"in üç futbolçusunu milliyə çağırdı
XƏBƏR 30 Sentyabr 2010 / 18:42 2448
-  A +

Oktyabrın 8-i və 12-də AÇ 2012-nin seçmə mərhələsi çərçivəsində növbəti oyunlar keçiriləcək. Qol.Az-ın məlumatına görə,.millinin baş məşqçisi  Berti Foqts “İnter”in 3 futbolçusuna Vladimir Levin, Aleksandr Çertaqanov və qapıçı Səlahət Ağayevə dəvət göndərib. Xatırladaq ki, komandamızı səfərdə Avstriya və doğma divarlar arasında Türkiyə ilə çətin qarşılaşmalar gözləyir. Bununla yanaşı, “İnter”in daha 7 futbolçusu milli komandalarına dəvət alıb. Qeyd etmək yerinə düşərdi ki, Litva yığmasına çağrılan Robertas Poşkus dünya və Avropa çempionu olan İspaniya komandasına qarşı oynayacaq. Dmitri Kruqlov da Serbiya və Sloveniya ilə oyunlarda Estoniya millisinə kömək etməyə çalışacaq. Latviya millisinə dəvət almış Girts Karlsonsu da Yunanıstan və Gürcüstana qarşı iki oyun gözləyir. “İnter”in yeni oyunçusu Filip Despotovski isə Makedoniya milli komandasının heyətində səfərdə Andorra və Rusiya ilə qarşılaşmalarda meydana çıxacaq.

 


Son xəbərlər