ÇL-də 10 illik rekord yenilənib

ÇL-də 10 illik rekord yenilənib
XƏBƏR 30 Sentyabr 2010 / 15:25 2205
-  A +

Çempionlar liqasında rekord göstərici məyyənləşib. Qol.Az-ın məlumatına görə bu həftə keçirilmiş qarşılaşmalarda qapılara 13 penalti təyin edilib. Bundan öncəki rekord isə 2000 – 2001 mövsümünün ilk həftəsinə qeydə alınmışdı. O zaman qapılara 10 penalti zərbəsi təyin edilmişdi. Bu həftə baş tutan qarşılaşmalarda isə təyin edilmiş 13 penalti zərbəsindən 10-u dəqiq yerinə yetirilsə də, 3 cəhd uğursuz alınıb. 11 metrlik cərimə zərbəsindən yararlana bilməyən futbolçular “Tottenhem”li Rafael Van der Vart, “Partizan”lı Kleo və “Arsenal”ın futbolçusu Andrey Arşavindir. “Partizan”-“Arsenal” və dünən keçirilmiş “Tottenhem”-“Tvente” qarşılaşmalarının hər birində qapılara 3 penalti zərbəsi təyin edilib. Digər bir maraqlı fakt ondan ibarətdir ki, “Mançester Yunayted” istisna olmaqla bütün İngilis təmsilçilərinin (“Tottenhem”, “Çelsi”, “Arsenal”) lehinə penalti verilib.

11 metrlik cərimə zərbəsi təyin edilmiş matçlar və yerinə yetirmiş futbolçular aşağıda göstərildiyi kimidir:


   
“Tottenhem” – “Tvente” : 4-1 ( “Tottenhem”də Roman Pavlyuçenko 2 penalti zərbəsini dəqiq yerinə yetirib, Rafael Van der Vart isə 1 penaltini qaçırıb)

“Hapoel” – “Olimpik” Lion : 1-3 (“Hapoel”in futbolçusu Enyeama, “Lion”da isə Bastos hərəyə 1 penalti zərbəsini qola çevirib)

“Rubin” – “Barselona” : 1-1 (“Rubin”li Noboa, “Barcelona”dan isə David Vilya penaltidən fərqlənib)

“Bazel” – “Bavariya” : 1-2 (“Bavariya”dan Bastian Şvaynştayger təyin edilmiş 1 penalti zərbəsini qola çevirib)

“Çelsi” – “Olimpik” Marsel : 2-0 (“Çelsi”nin hücumçusu Anelka təyin edilmiş 1 penalti zərbəsini dəqiq yerinə yetirib)

“Braqa” – “Şaxtyor” : 0-3 (“Şaxtyor”dan Kosta təyin edilmiş 1 penalti zərəsini qola çevirib)

“Partizan” – “Arsenal” : 1-3 (“Partizan”dan Kleo təyin edilmiş 1 penalti zərbəsini dəqiq yerinə yetirsə də, 1-dən yararlana bilməyib. “Arsenal”dan Andrey Arşavin də 1 penaltini qola çevirə bilməyib)


Son xəbərlər