“Araz” “Nikars” səddini də 7 qolla keçdi

“Araz” “Nikars” səddini də 7 qolla keçdi
XƏBƏR 29 Sentyabr 2010 / 22:11 2071
-  A +

Bu gün Azərbaycanın futzal üzrə son çempionu “Araz” UEFA kubokunun əsas seçmə mərhələsində yer aldığı 3-cü qrup çərçivəsində növbəti oyununu keçirib. Qol.Az-ın məlumatına görə, Naxçıvan klubu Rumıniyada keçirilən qrup mərhələsinin ikinci matçında Latviyanın “Nikars” klubu ilə münasibətlərinə aydınlıq gətirib.
Joze Alessio da Silvanın komandası bu dəfəki matça yenik durumda başlayıb. Lakin elə həmin dəqiqədə təmsilçimiz hesabı bərabərləşdirməyi bacarıb. Futzalçılarımız hətta hesabda önə keçməyə nail olsa da, rəqib yenidən hesabı bərabərləşdirib. Lakin “Araz” ilk yarını 3:2 hesablı üstünlüklə bitirib. Fasilədən sonra isə rəqibinə heç bir şans verməyən komandamız daha 4 qol vurmaqla, növbəti qələbəsini qazanıb – 7:2. Bu qələbə sayəsində təmsilçimiz artıq növbəti mərhələyə vəsiqəni təmin edə bilər. Lakin bunun üçün bu gün qrupumuzda keçirilən digər oyunun nəticəsindən də çox şey asılıdır. Qeyd edək ki, ilk turda “Nikars”a 7:1 hesabıyla qalib gələn meydan sahibi “Marqu Mureş” “Sportinq Finqal”la matçda xal itirsə, komandamızın növbəti mərhələyə çıxması problem olmayacaq. “Araz”ın ilk oyunda İrlandiyanın “Sportinq Finqal” klubu üzərində də qələbə (7:4) qazandığını nəzərə alsaq, deməli bu vəzifənin öhdəsindən gəldiklərini demək olar.
Son turda qrup qalibi olmaq uğrunda “Araz” “Marqu Mureş”lə qarşılaşacaq. Bu oyun oktyabrın 1-də keçiriləcək.

“Nikars” (İrlandiya) – “Araz” (Azərbaycan) – 2:7
Qollar: Seleznyov, 2; 12 – Vitali Borisov, 2; 4; 32. Anderson, 17; 27. Lusiano, 25; 31.


Son xəbərlər