“Eskişəhərspor”un prezidenti: “Biz ona bu pulu verməyi düşünmürük”

“Eskişəhərspor”un prezidenti: “Biz ona bu pulu verməyi düşünmürük”
XƏBƏR 28 Sentyabr 2010 / 18:56 2274
-  A +

“Eskişəhərspor” klubu baş məşqçi Rza Çalımbay ilə yollarını ayırmaq qərarına gəlsə də, bu məsələ hələ də öz rəsmi həllini tapmayıb. Qol.Az-ın məlumatına görə, buna səbəb Çalımbayın klubdan illik məbləğ kimi 1.2 milyon Türkiyə lirəsi istəməsi olub. Bu isə “Eskişəhərspor”da onsuz da başdan aşan problemlərin bir qədər də artmasına gətirib çıxarıb.
Millimizin kapitanı Rəşad Sadıqovun formasını geydiyi “Eskişəhərspor”un prezidenti Halil Ünal Rza Çalımbayın səhv fikirdə olduğunu iddia edib: “Biz aylıq 110 min TL-yə anlaşdığımız Çalımbaya pulunu günbəgün ödəmişik. Bir neçə gün əvvəl özü ilə görüşdük və o da ayrılmağı qəbul etdi. Eskişəhərə dönüb əşyalarını toplayacağını söylədi. Lakin daha sonra qalan bir illik alacağı olan 1.2 milyon lirəni də tələb etdi. Biz isə bu pulu verməyi düşünmürük. Bu hərəkəti ilə Çalımbay bizi çox sarsıtdı. Bu vəziyyətə gəlməyimizi  heç cür başa düşmürəm”.


Son xəbərlər