“Sportinq”in baş məşqçisi: “Araz” qrupun favoritidir”

“Sportinq”in baş məşqçisi: “Araz” qrupun favoritidir”
XƏBƏR 28 Sentyabr 2010 / 17:33 2011
-  A +

Futzal üzrə UEFA kubokunun seçmə mərhələsi çərçivəsində 3-cü qrupda yer alan “Araz”ın bu gün qarşılaşacağı İrlandiyanın “Sportinq Finqal” klubunun baş məşqçisi Junior da Silva komandamız haqqında maraqlı açıqlamalar verib. Qol.Az-ın məlumatına görə, UEFA-nın rəsmi saytına müsahibə verən Junior da Silva qrupdakı rəqiblərin şanslarını dəyərləndirib. “Bizim çox yaxşı kollektivimiz var. Futzal İrlandiyada yeni idman növlərindən sayılır. Lakin klubda çıxış edən irland futbolçular hər oyunda ürəkdən mübarizə aparır və qalib gəlirlər. Onlar daha çox şey öyrənməyə çalışırlar. Heyətimizin əksəriyyəti braziliyalı, bir neçəsi isə Moldova və Polşadan gəlmiş futbolçulardan təşkil olunub. Mən futzal oynamağı bacarmasam da, məşqçilik etməyi çox sevirəm. Rəqiblə evdə oynamaqdan böyük zövq alıram. Bizim əsas məqsədimiz qrupdan ən azı ikinci yer tutmaqla növbəti mərhələyə vəsiqə qazanmaqdır. Mən “Araz”ın qrupda birinci olacağına şübhə etmirəm. Heyətindəki futbolçuların çox təcrübəli olduğunu bilirəm. Onların ötən il Avropada üçüncü yer tutduğunu nəzərə alsaq, “Araz”la bizi çox çətin oyun gözəyir. Lakin onların favorit sayılması bizim xeyrimizə işləyə bilər. Belə ki, “Araz”ın futbolçuları meydana təzyiq altında çıxacaqlar ki, bu da bizim işimizi xeyli asanlaşdıra bilər. Lakin istənilən halda Naxçıvan təmsilçisi qrupun favoritidir. Biz qrupda ikinci yer tuta bilsək bu komandamız üçün böyük uğur sayılacaq. İkinci yer uğrunda Rumuniyanın “Targu Mureş” klubu ilə mübarizə aparmalı olacağıq. Latiyanın  “Nikars” klubu isə qrupun autsayderi hesab edilir”.
Qeyd edək ki, “Araz” – “Sportinq Finqal” oyunu bu gün Bakı vaxtı ilə saat 19:00-da başlayacaq.


Son xəbərlər