“Turan”da Sakit Alıyevi Revaz Dzodzuaşvili əvəzlədi

“Turan”da Sakit Alıyevi Revaz Dzodzuaşvili əvəzlədi
XƏBƏR 28 Sentyabr 2010 / 15:18 2043
-  A +

Dünən Unibank Premyer Liqasının 7-ci turunun təxirə salınmış oyununda səfərdə "Bakı"ya uduzan "Turan" rəhbərliyi bütün məşqçi və futbolçu heyətini istefaya göndərib. Qol.Az-ın məlumatına görə, oyun başa çatan kimi, klubun prezidenti Musa Süleymanov “Turan”ın avtobusunun qarşısında məşqçi heyətini başına yığaraq, onları işdən azad etdiyini bildirib. Məşqçi korpusundan yalnız gürcüstanlı məşhur mütəxəssis Revaz Dzoduzaşvili vəzifəsində qalıb.
Musayev bildirib ki, bundan sonra komanda yalnız gənc kollektivlə işə davam edəcək. "Turan"ın əvəzedici heyətinin turnir cədvəlində birinci yerdə olması Süleymanovu bu heyətə etibar etməyə sövq edib. Radikal qərarlarıyla tanınan Süleymanov bu addımı atmaqda haqlı olduğunu bildirib: "Məncə, belə davam etməkdənsə, indidən istedadlı uşaqlarmıza inansam, daha yaxşıdır. Bundan sonra hər şeyi onlara tapşıracağam. Gələn ilə xeyli təcrübə toplayarlar. Mən Revaz Dzodzuaşvilidən razılıq alandan sonra qərarımı qətiləşdirdim".
Qeyd edək ki, Tovuz təmsilçisi dünən Tofiq Bəhramov adına Respublika stadionunda keçirilən qarşılaşmadan 1:3 hesabı ilə məğlub ayrıldı. Keçirdiyi 7 oyundan sonra cəmi 3 xal toplayan qərblilər turnir cədvəlinin 11-ci pilləsində qərarlaşıb. Bundan sonra Revaz Dzodzuaşvilinin çalışdıracağı komandanın düşərgəsində yalnız bir-iki legioner saxlanılacaqsa, digərləri yola salınacaq. Artıq baş məşqçi Sakit Alıyevin gürcü mütəxəssislə əvəzləndiyi də rəsmi təsdiqini tapıb. Ona ən azı qışa kimi vaxt veriləcək.


Son xəbərlər