Paulius Qribauskas: “Xəzər Lənkəran”ın bəxti gətirdi”

Paulius Qribauskas: “Xəzər Lənkəran”ın bəxti gətirdi”
XƏBƏR 28 Sentyabr 2010 / 11:56 2024
-  A +

"Mən ötən mövsüm də "Xəzər Lənkəran"a qarşı oyunlarda çıxış etmişəm. Bu görüş də öz ab-havasına görə əvvəlkilərdən fərqlənmirdi. "Xəzər Lənkəran" kimi komandalarla matçda bəzən bir səhv oyunun taleyini həll edir. Bu dəfəki oyun da istisna olmadı”. Qol.Az-ın məlumatına görə, bu sözləri "Neftçi"nin qapıçısı Paulius Qribauskas klubun rəsmi saytına açıqlamasında söyləyib.
O, Unibank Premyer Liqasının son turunda "Xəzər Lənkəran"la oyunla bağlı fikirlərini bildirərkən daha sonra bunları vurğulayıb: “Mən düşünürəm ki, həmin matçı "Xəzər Lənkəran" udmadı, sadəcə biz öz səhvimiz ucbatından məğlub olduq. Futbolda belə hallara rast gəlmək mümkündür, bir komanda yaxşı oynasa da, görüşdə pis təsir bağışlayan komandanın bəxti gətirir. Təbii ki, bizim heyətimizdə yer alan bütün futbolçular bu vacib görüşdə yalnız qələbəyə köklənmişdilər. Komandamızın üzvləri meydanda var gücləri ilə mübarizə aparsalar da, görüşün son dəqiqələrində rəqibin bəxti gətirdi”.


Son xəbərlər