“Eskişəhərspor” rəhbərliyi Çalımbayın istefasını rəsmən təsdiqlədi

“Eskişəhərspor” rəhbərliyi Çalımbayın istefasını rəsmən təsdiqlədi
XƏBƏR 28 Sentyabr 2010 / 00:05 1941
-  A +

Millimizin kapitanı Rəşad Sadıqovun şərəfini qoruduğu Türkiyə Superliqası təmsilçisi “Eskişəhərspor” klubunun rəhbərliyi baş məşqçi Rza Çalımbayla yollarını ayrdıqlarını rəsmən təsdiqləyib. Qol.Az-ın qardaş ölkə mətbuatına istinadən məlumatına görə, bu yöndə yayılan ilk xəbərlər rəsmi təsdiqini tapıb.
Qeyd edək ki, Superliqanın son turunun sentyabrın 25-də keçirilən “Eskişəhərspor” - “Qaziantepspor” matçında 0:1 hesabıyla yenilən meydan sahiblərinin çalışdırıcısının qarşılaşmadan bir gün sonra rəhbərlik tərəfindən istefaya göndərildiyi haqda informasiyalar yayıldı. Lakin elə həmin gün axşam saatlarında klubun rəsmi saytı vasitəsilə rəhbərlik bu məlumatları təkzib etdi. Baş məşqçi özü isə televiziyalardan birinə canlı yayın vasitəsilə açıqlamasında artıq “Eskişəhərspor”dan getdiyini və bunu özünün yox, rəhbərliyin istəyi ilə etdiyini bildirmişdi.
Nəhayət dünən axşam saatlarında “Eskişəhərspor” rəhbərliyi Çalımbayla yollarını ayırmağa qərar verdiklərini rəsmən təsdiqləyib. Bu haqda rəsmi açıqlamanı isə klubun vitse-prezidenti Mesut Hoşcan verib. O, həmçinin yeni baş məşqçi axtarışlarına start verdiklərini də deyib.
Süperliqaya çıxdıqları gündən bəri birgə çalışdıqları Çalımbaya xidmətlərinə görə təşəkkürlərini bildirən Hoşcan daha sonra bunları vurğulayıb: "Bu mövsüm çox gözəl bir heyət qurduq, yaxşı futbolçular transfer etdik. Qarşımıza bir hədəf qoyduq, ancaq çempionata yaxşı başlaya bilmədik. İstediyimiz nəticələri qazana bilmədik. Superliqaya çıxdığımız gündən bu yana bərabər olduğumuz Rza Çalımbay və komandasıyla yollarımızı ayırdıq. Komandanı “Bucaspor” matçına aşağı yaş qruplarından ibarət komandalarımızı çalışdıran məşqçilər hazırlayacaq”.
Çalımbayla münasibətləri korlandığı üçün heyətdən kənarlaşdırılan Ümit Karanın durumu haqqında da danışan Hoşcan, qərarı yeni baş məşqçinin verəcəyini bildirib.


Son xəbərlər