Krasiçin het-triki “Yuventus”a növbəti qələbəsini qazandırdı

Krasiçin het-triki “Yuventus”a növbəti qələbəsini qazandırdı
XƏBƏR 27 Sentyabr 2010 / 12:33 1921
-  A +

İtaliya A Seriyasında 5-ci turun oyunlarına yekun vurulub. Qol.Az-ın məlumatına görə, dünən gecə baş tutan turun son oyun günündə “Yuventus” doğma meydanda “Kalyari” ilə dueldən üzüağ çıxıb. Krasiçin het-trikə imza atdığı qarşılaşmada Turin təmsilçisi cari mövsümdə ikinci qələbəsini rəsmiləşdirib. “Fiorentina” və “Latsio” da turu qələbəylə başa vurub. “Udineze” isə yenə qələbəyə həsrət qalıb.
Qeyd edək ki, şənbə günü baş tutan oyunlarda “Milan” doğma divarlar arasında “Cenoa” ilə münasibətlərinə aydınlıq gətirib. İbrahimoviçin vurduğu yeganə qol meydan sahiblərinə qələbə qazandırıb. Turun mərkəzi qarşılaşmasında isə “Roma” ilə son ölkə çempionu “İnter” üz-üzə gəlib. “Olimpiko”da keçən prinsipial qarşılaşmada tərəflər uzun müddət qol susqunluğunu poza bilməyib. Lakin görüşün 90-cı dəqiqəsində paytaxt klubunun çernoqoriyalı legioneri Mirko Vuçiniç rəqib qapısına yol tapmaqla, komandasına vacib qələbə qazandırıb. Qeyd edək ki, bu, cari mövsümə uğursuz başlayan Klaudio Ranyerinin komandasının ilk qələbəsi idi. Son ölkə çempionu isə ilk yenilgisini almış oldu.

İtaliya A Seriyası
5-ci tur
25 sentyabr

“Milan” – “Cenoa” – 1:0
Qol: İbrahimoviç, 49.

“Roma” – “İnter” – 1:0
Qol: Vuçiniç, 90.

26 sentyabr

“Çezena” – “Napoli” – 1:4
Qollar: Parolo 48 – Lavetsi, 72. Hamşik, 81. Kavani, 88; 90.

“Bari” – “Breşiya” – 2:1
Qollar: Rivas, 16. Barreto, 55-pen. – Kone, 30.

“Kataniya” – “Bolonya” – 1:1
Qollar: Britos, 66-öz qapısına – Di Vayo, 40.
Matçın 40-cı dəqiqəsində Di Vayo penaltidən yararlana bilməyib.

“Kyevo” – “Latsio” – 0:1
Qol: Sarate, 69.

“Fiorentina” – “Parma” – 2:0
Qollar: Lyajiç, 61-pen. Silvestri, 72.

“Palermo” – “Leççe” – 2:2
Qollar: Pinilya, 53. Makkarone, 90 – Qyaçomatsi, 8. Korvia, 46.
Matçın 81-ci dəqiqəsində “Leççe”nin üzvü Qyaçomatsi qırmızı vərəqə alıb.

“Sampdoriya” – “Udineze” – 0:0

“Yuventus” – “Kalyari” – 4:2
Qollar: Krasiç, 13; 34; 70. Bonuççi, 57 – Matri, 20; 81.

1  "İnter" 5 3 1 1 8-3 10
2  "Latsio" 5 3 1 1 7-5 10
3  "Kyevo" 5 3 0 2 8-5 9
4  "Breşiya" 5 3 0 2 7-7 9
5  "Milan" 5 2 2 1 7-4 8
6  "Napoli" 5 2 2 1 10-8 8
7  "Kataniya" 5 2 2 1 7-5 8
8  "Bari" 5 2 2 1 5-7 8
9  "Yuventus" 5 2 1 2 12-9 7
10  "Çezena" 5 2 1 2 4-6 7
11  "Kalyari" 5 1 3 1 7-5 6
12  "Sampdoriya" 5 1 3 1 6-5 6
13  "Bolonya" 5 1 3 1 6-7 6
14  "Palermo" 5 1 2 2 8-8 5
15  "Fiorentina" 5 1 2 2 5-5 5
16  "Parma" 5 1 2 2 5-6 5
17  "Cenoa" 5 1 2 2 4-6 5
18  "Roma" 5 1 2 2 5-9 5
19  "Leççe" 5 1 2 2 4-8 5
20  "Udineze" 5 0 1 4 2-9 1


Son xəbərlər
22.12.25  18:07

Qallaher, yoxsa Neves?