Bundesliqada “Maynts”la “Borussiya”nın qabağına çıxan yoxdu

XƏBƏR 27 Sentyabr 2010 / 11:37 1863

- A +

Almaniya Bundesliqasında 6-cı turun oyunlarına yekun vurulub. Qol.Az-ın məlumatına görə, hesabat turuna dünən gecə keçirilən 2 oyunla yekun vurulub. “Volfsburq” doğma meydanda “Frayburq” üzərində çətin qələbəyə sevinibsə, “Kayzerslautern” azarkeşlərinin gözü qarşısında “Hannover”ə minimal hesabla məğlub olub.
Qeyd edək ki, bu turun əvvəlki günlərdə baş tutan oyunlarında çempionatın maksimum nəticə göstərən yeganə komandası “Maynts” yenə qələbəyə sevinib. Ən maraqlısı isə, bu komandanın növbəti 3 xalının son ölkə çempionu “Bavariya” üzərində, özü də səfərdə qazanmasıdır.
Liderlər qrupunda qərarlaşan Dortmund “Borussiya”sı da turu qələbəylə başa vurub. “Qarabağ”ı Avroliqadan kənar qoyan dortmundlular bu dəfə “Sankt Pauli”yə şans tanımayıb. İddialılardan “Bayer” də 3 xala səfərdə sevinib. Onların qurbanı isə cari mövsüm qətiyyən özünə bənzəməyən və sonuncu pillədə qərarlaşan “Ştutqart” olub. “Verder” “Hamburq”la dueldən çətinliklə də olsa, qələbəylə ayrılmağı bacarıb. “Ayntraxt” isə “Nürnberq”i evə xalsız yola salıb. Turun açılış matçında isə “Köln” doğma meydanda “Hoffenhaym”la qarşılaşmışdı. Oyunda hesabı Lukas Podolski açsa da, qonaqlar fasilədən sonra rəqib qapısına yol tapmaqla, meydan sahiblərinin cari mövsümdə ikinci qələbəsini qazanmasını əngəlləyib.

Almaniya Bundesliqası
6-cı tur
24 sentyabr

“Köln” – “Hoffenhaym” – 1:1
Qollar: Podolski, 17 – Ba, 54.

25 sentyabr

“Bavariya” – “Maynts” – 1:2
Qollar: Svensson, 45-öz qapısına – Allaqui, 15. Tsalay, 77.

“Ayntraxt” – “Nürnberq” – 2:0
Qollar: Gekas, 17. Kris, 88.

“Şalke” – “Borussiya” M – 2:2
Qollar: Huntelaar, 52. Raul, 87 – Dims, 15-pen. Bredli, 43.
Matçın 78-ci dəqiqəsində Münhenqladbax “Borussiya”sının üzvü Brouers qırmızı vərəqə alıb.

“Sankt Pauli” – “Borussiya” D – 1:3
Qollar: Henninqs, 26 – Qroskroyts, 17; 61. Kaqava, 50.

“Ştutqart” – “Bayer” – 1:4
Qollar: Kuzmanoviç, 53 – Hyuyupya, 19. Vidal, 21. Balitsç, 69. Sam, 88.

“Verder” – “Hamburq” - 3:2
Qollar: Demel, 25-öz qapısına. Almeyda, 28; 85 – Nistelroy, 59. Pitroypa, 63.

26 sentyabr

“Volfsburq” – “Frayburq” – 2:1
Qollar: Qrafite, 25; 64 – Sisse, 36.

“Kayzerslautern” – “Hannover” – 0:1
Qol: Abdellaoue, 33.

1	"Maynts"	6	6	0	0	14-5	18
2	"Borussiya" D	6	5	0	1	16-5	15
3	"Hannover"	6	4	1	1	11-7	13
4	"Hoffenhaym"	6	3	2	1	11-6	11
5	"Bayer"	6	3	2	1	13-10	11
6	"Volfsburq"	6	3	0	3	11-10	9
7	"Frayburq"	6	3	0	3	8-9	9
8	"Hamburq"	6	2	2	2	10-10	8
9	"Bavariya"	6	2	2	2	5-6	8
10	"Sankt Pauli"	6	2	1	3	7-8	7
11	"Kayzerslautern"	6	2	1	3	8-11	7
12	"Verder"	6	2	1	3	9-14	7
13	"Ayntraxt"	6	2	0	4	9-8	6
14	"Nürnberq"	6	1	3	2	5-7	6
15	"Köln"	6	1	2	3	5-10	5
16	"Borussiya" M	6	1	2	3	10-19	5
17	"Şalke"	6	1	1	4	7-12	4
18	"Ştutqart"	6	1	0	5	11-13	3

Daha çox