Rəşad Sadıqovun baş məşqçisi qovuldu

Rəşad Sadıqovun baş məşqçisi qovuldu
XƏBƏR 26 Sentyabr 2010 / 18:32 2124
-  A +

Həmyerlimiz Rəşad Sadıqovunun çıxış etdiyi Türkiyənin “Eskişəhərspor” klubunun baş məşqçisi Rza Çalımbay vəzifəsindən azad edilib. Qol.Az-ın Türkiyə mətbuatına istinadən verdiyi məlumata görə, rəhbərlik bu haqda bu gün qərar qəbul edib. Dünən öz meydanında “Qaziantepspor”a 0:1 hesabıyla məğlub olan “Eskişəhərspor” komandasının azarkeşləri baş məşqçi Rza Çalımbayı və rəhbərliyi istefaya çağırmışdı. Baş məşqçi matçdan sonra keçirilən mətbuat konfransında istefa vermək istəmədiyini və bu barədə rəhbərliklə danışmadan qərar qəbul etməyəcəyini söyləmişdi. Lakin bu gün klubun prezidenti ilə Rza Çalımbay mövzü ətrafında müzakirə edib və yolların ayrılmasına qərar verilib. Bu gün Çalımbayı vəzifəsindən azad edən klub prezidenti Halil Ünal isə artıq yeni baş məşqçi axtarışında olduqlarını bildirib. O həmçinin əlavə edib ki, istər meydanda, istərsə də, meydandan kənarda intizamsız davranışda günahkar olan bir neçə futbolçunu da cəzalandıracaqlar. Əldə edilən məlumatlara görə, rəhbərliyin danışıqlara başladığı məşqçilər Samet Aybaba, Nurullah Sağlam və Giray Bulakdır.
Xatırladaq ki, Rəşad Sadıqovın Türkiyə Superliqasında debütü hələ ki, baş tutmayıb. Geridə qalan 6 turdan sonra isə qələbəyə həsrət qalan “Eskişəhərspor” komandası topladığı 2 xalla turnir cədvəlinin sondan ikinci pilləsində qərarlaşıb.


Son xəbərlər
22.12.25  18:07

Qallaher, yoxsa Neves?