Arda Turanla Sərvət Çətinin münasibətləri korlanıb

Arda Turanla Sərvət Çətinin münasibətləri korlanıb
XƏBƏR 24 Sentyabr 2010 / 14:22 2265
-  A +

Ötən günlərdə Türkiyə millisinin və “Fənərbaxça”nın qapıçısı Volkan Dəmirəl ailə həyatı qurdu. Qol.Az-ın Türkiyənin “Vətən” qəzetinə istinadən verdiyi məlumata görə, bu toy məclisində maraqlı hadisələr baş verib. Məsələ burasındadır ki, toya “Qalatasaray”dan Səbri Sarıoğlu, Hakan Balta, Arda Turan, Sərvət Çətin və digər futbolçular dəvət edilib. Dəvətə rəğmən bir çox futbolçu, eləcə də, Səbri və Hakan Balta bu məclisdə iştirak etməyib. Buna fənərbaxçalıların ötən aylarda ailə həyatı quran Səbrinin toy məclisi zamanı tutduqları mövqe səbəb olub. Belə ki, o zaman Səbrinin dəvətini alan futbolçular toyda iştirak etməkdən boyun qaçırmışdı. Bu dəfə də “sarı-qırmızılılar”ın əksər futbolçuları eyni mövqeni nümayiş etdiriblər. Lakin “Qalatasaray”ın kapitanı Arda və komanda yoldaşı Sərvət Volkanın toyunda iştirak edərək komanda arasında anlaşılmazlığa yol verib. Bu zaman da maraqlı hadisə baş verib. Məclisdə “Qalatasaray”lı futbolçular üçün xüsusi masa ayrılsa da, Arda Turan sevgilisi Sinəm Koballa bir masada, Sərvət isə “Qalatasaray” rəhbərliyi ilə münasibətləri heç də yaxşı olmayan Bülənt Qorxmazla digər bir masada əyləşib. Klub rəhbərliyinin məsələ ilə bağlı necə mövqe tutacağı maraqla gözlənilir.


Son xəbərlər
22.12.25  18:07

Qallaher, yoxsa Neves?