Hafiz Məmmədov: “Mən həmişə media mənsublarının arxasındayam”

Hafiz Məmmədov: “Mən həmişə media mənsublarının arxasındayam”
XƏBƏR 24 Sentyabr 2010 / 01:51 2180
-  A +

"Bakı Yaxt Klubu"nda keçirilən mükafatlandırma mərasiminə qatılan Hafiz Məmmədov jurnalistlərin suallarını cavablandırıb. Qol.Az-ın məlumatına görə, Mahmud Qurbanov və "Komanda" qəzetinin əməkdaşları arasında baş verən insidentə toxunan Hafiz Məmmədov bunları söyləyib: "Hər birimiz insanıq, kimsə tənqidə az, kimsə daha cox dözümlüdür. Ancaq bəzən təhqir elementləri olan yerdə əsəbləri cilovlamaq mümkünsüz olur. Komandamızın üzvü Mahmud Qurbanov və "Komanda" qəzeti arasında yaşanan gərginlik futbolumuza başucalığı gətirmir. Mahmud Qurbanov Azərbaycan futbolunun canlı əfsanəsidir. Onu hamınız tanıyırsınız. Düzü, Mahmud kimi səbirli və tərbiyəli bir insanın adının belə xoşagəlməz bir hadisədə hallanması məni təəccübləndirir. Qələm sahibləri tənqidlə təhqir arasındakı sərhədləri cızmalıdırlar. Biz azərbaycanlıyıq, özünəməxsus mentalitet daşıyıcısıyıq. Jurnalistlər bu məsələlərdə həssas olmalıdırlar. Mən bir klub prezidenti kimi konstruktiv tənqidin tərəfdarıyam. Ağıllı tənqid inkişafa xidmət edir. Ancaq bununla bərabər təhqirə yol verən media orqanlarının səhv yol tutduğunu da bildirməliyəm. Mahmud Qurbanovla "Komanda" qəzeti arasında heç bir problem qalmamalıdır. Tərəflər qarşılıqlı addım ataraq, xoş niyyətlərini ortaya qoymalıdırlar. Mətbuat nümayəndələrinə də bildirmək istəyirəm ki, mən bir klub prezidenti kimi həmişə onlrın arxasındayam, kimsə subyektiv fikirlərə görə media qurumlarına təsir göstərməməlidir”.


Son xəbərlər
22.12.25  18:07

Qallaher, yoxsa Neves?