Oqtay Abdullayev: “Veteranların qarşılaşması qardaşlıq mühitində keçəcək”

Oqtay Abdullayev: “Veteranların qarşılaşması qardaşlıq mühitində keçəcək”
XƏBƏR 23 Sentyabr 2010 / 11:53 2346
-  A +

Sentyabrın 25-də "Neftçi" və "Xəzər Lənkəran"ın veteranları arasında yoldaşlıq görüşü keçiriləcək. Qol.Az-ın məlumatına görə, bu qarşılaşma ərəfəsində "Neftçi" Veteranlar Klubunun prezidenti Oqtay Abdullayev flaqmanın rəsmi saytına açıqlama verib. Onun sözlərinə görə, oyunun keçirilməsində əsas məqsəd həm "Neftçi"yə dəstək vermək, həm də regionlarda futbolu təbliğ etməkdən ibarətdir: "Neftçi" PFK-nın rəhbərliyi ilə birgə derbi öncəsi veteranlar arasında belə bir görüş keçirmək qərara almışıq. Oyunun təşkilində "Neftçi"nin prezidenti Sadıq Sadıqov və "Xəzər-Lənkəran" rəhbərliyinin böyük əməyi olub.  Bu köməyə görə, onlara dərin minnətdarlığımızı bildiririk. Bildiyiniz kimi, Azərbaycanda futbola dövlət səviyyəsində diqqət və qayğı göstərilir. Dövlət başçısı İlham Əliyevin futbolun inkişafına dair imzaladığı Dövlət Proqramı müvəfəqqiyyətlə icra olunur. Biz - futbol veteranları bu proqramın müddəalarının daha uğurla həyata keçirilməsi, futbolumuzun inkişafı üçün əlimizdən gələni əsirgəmirik. "Neftçi" və "Xəzər-Lənkəran" veteranlarının qarşılaşması qardaşlıq mühitində keçəcək. Yoldaşlıq görüşü sayəsində həm bizdən bir neçə saat sonra meydana çıxacaq sevimli "Neftçi" PFK-ya dəstək verəcəyik, həm də regionda bu idman növünün kütləviliyinə çalışacağıq. Eyni zamanda, bu oyun payızda Bakıda veteran komandalar arasında təşkili nəzərdə tutulan beynəlxalq turnirə hazırlıq xarakteri daşıyacaq".


Son xəbərlər
22.12.25  18:07

Qallaher, yoxsa Neves?