Millimizi Kölndə 800-ə yaxın soydaşımız dəstəkləyəcək

Millimizi Kölndə 800-ə yaxın soydaşımız dəstəkləyəcək
XƏBƏR 7 Sentyabr 2010 / 16:26 2312
-  A +

AÇ-2012-nin seçmə mərhələsi çərçivəsində bu gün səfərdə Almaniya yığması ilə qarşılaşacaq Azərbaycan millisinin oyununu izləmək üçün Köln şəhərinə təxminən 800 yaxın soydaşımızın gələcəyi gözlənilir. Qol.Az-ın məlumatına görə, bu barədə AFFA-nın bilet paylanması və satışı ilə məşğul olan əməkdaşı Sərxan Hacıyev məlumat verib. Kölndə baş tutacaq oyunun afişaları artıq şəhərdə yayılmaqda davam edir. Bilet satışına gəldikdə isə stadiona ən azı 40 min alman azarkeşinin gələcəyi dəqiqdir. Çünki hələ bir neçə gün öncəyə kimi, satışa çıxarılan biletin bu qədəri satılmışdı. Şübhəsiz ki, oyun saatına qədər bu say daha artacaq. Almaniya Futbol İttifaqının AFFA-ya ayırdığı 730 bilet də artıq sahibini tapıb. Bu oyunu izləmək üçün Almaniyanın digər şəhərləri Hamburq, Berlin və Dortmunddan da soydaşlarımızın gələcəyini nəzərə alsaq, bu sayın daha da artacağını söyləmək olar. Sərxan bəyin dediyinə görə, üç Anadolu türkü də bilet almaq üçün onlara müraciət edib. Azarkeşlərin biletlərlə təmin olunmasında AFFA-nın baş katibi Elxan Məmmədovla yanaşı, PFL-in prezidenti Ramin Musayev də öz köməyini əsirgəmir. Yeri gəlmişkən, dünən axşam AFFA prezidenti Rövnəq Abdullayevlə vitse-prezident Elşad Nəsirov da Kölnə gedib. AFFA prezidenti artıq komanda üzvlərilə görüşərək onlara uğurlar arzulayıb.
Qeyd edək ki, “Reynenerjiştadium”da baş tutacaq Almaniya - Azərbaycan oyunu bu gün Bakı vaxtı ilə saat 23:45-də başlayacaq.

Daha çox


Son xəbərlər
22.12.25  18:07

Qallaher, yoxsa Neves?