72 yaşlı Araqones özünə yeni iş yeri axtarır

72 yaşlı Araqones özünə yeni iş yeri axtarır
XƏBƏR 7 Sentyabr 2010 / 15:21 2102
-  A +

Bir zamanlar Türkiyənin “Fənərbaxça” komandasının baş məşqçisi olmuş Luis Araqones 72 yaşı olmasına baxmayaraq, iş axtarışındadır. Qol.Az-ın məlumatına görə, təcrübəli mütəxəssis yaşlı olmasına rəğmən, sevimli işindən ayrılmaq istəmir: “Harda olur olsun, bir komandada işləmək istəyirəm. Bu, milli komanda da ola bilər, İspanyadan kənar bir yerin komandası da”.
Hələ təqaüdə çıxmaq barədə düşünmədiyini dilə gətirən təcrübəli məşqçinin AÇ-2012-nin seçmə mərhələsinə Kipr ilə 4-4 hesablı heç–heçə ilə başlayan Portuqalita millisinə yaxın olduğu bildirilir. 2004-2008-ci illərdə İspaniya millisinin baş məşqçisi postunda çalışmış Araqones ölkəsinin əsas komandası haqda da danışıb: “Mən bir şeyin yaradıcısı deyiləm. Ancaq işim qələbə qazanmağın yollarını İspaniyaya öyrətmək idi. Biz fiziki olaraq qüvvətli bir komanda deyilik. Əsas üstünlüyümüz texnikadır”.
Raulu yığma komandaya dəvət etmədiyi barədə də fikirlərini bölüşən Araqones Raulun istənilən qədər baxımlı oyun sərgiləmədiyini iddia edib: “İstədiyim oyunu göstərmədiyi üçün Raulu heyətə dəvət etmirdim. Bu ölçü həm Raul, həm də yığmata çağırılmayan digər oyunçular üçün eynidir”.

Daha çox


Son xəbərlər
22.12.25  18:07

Qallaher, yoxsa Neves?