Edin Dzeko və baş məşqçisi Fransaya meydan oxudu

Edin Dzeko və baş məşqçisi Fransaya meydan oxudu
XƏBƏR 7 Sentyabr 2010 / 13:43 2004
-  A +

Bu gün AÇ-2012-nin seçmə mərhələsinin növbəti oyunları çərçivəsində Fransa səfərdə Bosniya və Herseqovina yığmasının qonağı olacaq. Qol.Az-ın məlumatına görə, hələ son dünya çempionatındakı qalmaqalları və uğursuz çıxışı yaddaşlardan silinməyən fransızlar bir neçə gün öncə yeni seçmə mərhələyə də yenilgiylə başladılar. Doğma divarlar arasında Belarusa minimal hesabla uduzan Loran Blanın komandasının acınacaqlı durumu deyəsən digər rəqiblərini də həvəsləndirib. Məsələ burasındadır ki, bu gün doğma meydanda Fransa millisini qəbul edəcək Bosniya və Herseqovina yığmasının baş məşqçisi Saffet Susiç və aparıcı hücumçusu Edin Dzeko iddialı açıqlamalar veriblər. Meydana yalnız qələbə üçün çıxacaqlarını deyən Susiç futbolçularına ancaq hücum futbolu sərgiləməyi tapşırdığını söyləyib: “Fransız oyunçuların öz komandalarına inamı qalmayıb və məncə ən böyük zəiflikləri də məhz budur. Hazırda elə də yaxşı vəziyyətdə deyillər və böyük bir zaman ehtiyacları var. Bu üzdən yaranan vəziyyətdən istifadə etməliyik. Ağıllı müdafiə oluna bilmədiyimiz üçün sırf hücum futbolu sərgilməklə, istədiyimizi əldə edə bilərik”.
Yeni tsiklə Lüksemburqu 3:0 məğlub etməklə başlayan bosniyalıların aparıcı hücumçusu Dzeko da fransızlara meydan oxuyub: “Biz çox böyük potensialı olan və gənc komandayıq. Avropanın aparıcı çempionatlarında oynayan oyunçulara sahibik. Komanda oyunu sərgiləyirik ki, bu da əsas üstünlüklərimizdən sayılır. Fransa qarşısında da favorit məhz bizik. Yeni seçmə mərhələyə qələbəylə başladıq. İkinci oyunumuzu da qələbəylə başa vurub, xallarımızın sayını 6-ya çıxaracağımıza əminəm”.

Daha çox


Son xəbərlər
22.12.25  18:07

Qallaher, yoxsa Neves?