Bukmekerlər millimizə almanlarla oyunda heç bir şans tanımadı

Bukmekerlər millimizə almanlarla oyunda heç bir şans tanımadı
XƏBƏR 6 Sentyabr 2010 / 17:06 2249
-  A +

AÇ-2012-nin seçmə mərhələsi mərçivəsində sabah Almaniya millisiylə ilk oyununa çıxacaq komandamızın qələbə şansı demək olar ki, yoxdur. Qol.Az-ın məlumatına görə, bu qənaətə bukmeker kontorları gəlib. Məsələ burasındadır ki, sabah Avropanın yaşıl meydanlarında keçiriləcək qarşılaşmalarda komandaların şanslarını dəyərləndirən bukmekerlər Azərbaycan millisinin Almaniyayla oyunu haqda da proqnozlarını irəli sürüblər. Rusiyanın məşhur “marathonbet” kontoru Berti Foqtsun komandasının qələbəsini 80.00 əmsalıyla qiymətləndirdiyi halda, millimizin hətta heç-heçə etməsinin də mümkünsüzlüyünə işarə vurub – 29.00. Almanların qələbəsinə pul qoyanlar isə sadəcə əmanətlərini 1.01 dəfə artırmaq imkanı qazanacaqlar. Elə “gamebookers” kontoru da almanların qələbə şansını eyni əmsalla qiymətləndirib. Millimizin heç-heçəsinə 13.00 əmsalını verən avropalılar qələbə qazanacağımıza ümid bəsləyənlər üçün əmanətlərini 41.00 dəfə artırmaq fürsəti yaradıb.

Daha çox


Son xəbərlər
22.12.25  18:07

Qallaher, yoxsa Neves?