Yoahim Löv: “İndi növbə Berti Foqtsun komandasınındır”

XƏBƏR 4 Sentyabr 2010 / 16:36 2613
-  A +

Dünən start götürən AÇ-2012-nin seçmə mərhələsi çərçivəsində Belçika yığması üzərində qələbə qazanan Almaniya yığmasının baş məşqçisi Yoahim Löv oyundan sonra keçirilən mətbuat konfransında Azərbaycanla baş tutacaq matç barədə danışıb. Qol.Az-ın məlumatına görə, rəqib çalışdırıcı seçmə mərhələyə uğurla başladıqları üçün sevincli olduğunu bildirib: "AÇ-2012-nin seçmə mərhələsinin ilk iki oyununda 6 xal toplamağı planlaşdırırdıq. Belçikanı məğlub etdik. İndi sentyabrın 7-də Köln şəhərində baş tutacaq oyunda Berti Foqtsun çalışdırdığı Azərbaycan seçmə komandasını məğlub etmək növbəsidir. Komandam DÇ-2010-dan sonra bir qədər yorğun görünür. Ancaq onlar həmişəki kimi yenə də qələbəyə oynayırlar".
Qeyd edək ki, futbol üzrə əsas yığmamız AÇ-2012-nin seçmə mərhələ oyunlarına Almaniyada hazırlaşır. Yığmanın seçmə mərhələdə qarşılaşacağı ilk rəqib də elə bu ölkənin millisi, son mundialın bürünc mükafatçısı Almaniya yığması olacaq. Azərbaycan yığması AÇ-2012-nin A qrupunda Almaniya ilə yanaşı Türkiyə, Qazaxsıtan, Belçika və Avstriya kollektivləri ilə mübarizə aparacaq. (ANS PRESS)


Son xəbərlər
22.12.25  18:07

Qallaher, yoxsa Neves?