İspaniya və İngiltərədən asan, İtaliyadan çətin qələbə, Fransa yenə uduzdu

AÇ-2012-nin seçmə mərhələsi çərçivəsində ilk turun oyunları keçirilib. Qol.Az-ın məlumatına görə, qitə arenalarında 22 qarşılaşma baş tutub ki, onlardan ikisi millimizin də yer aldığı A qrupunda baş tutub. Lakin yığmamızın istirahət etdiyi gecədə rəqiblərinin əldə etdiyi nəticələrlə sizi tanış etdiyimizdən, diqqətinizi digər oyunlara yönəltməli olacağıq.
Qonşu ölkə yığmalarından Ermənistan seçmə tsiklə məğlubiyyətlə start verib. Bədnam qonşularımız İrəvanda İrlandiyaya boyun əyib. Digər qonşumuz Gürcüstan isə çətin Yunanıstan səfərindən xalla dönüb. Gürcülər hətta qələbə qazanmaq imkanına da malik olmasına rəğmən, 3-cü dəqiqədən əldə etdikləri üstünlüyü 72-ci dəqiqədə əldən veriblər. Şimal qonşumuz Rusiya isə qələbə qazanıb. Ruslar səfərdə Andorranı 2:0 hesabı ilə yeniblər.
Son Avropa və dünya çempionu çempionu İspaniya yeni tsiklə darmadağınla başlayıb. İspanlar Lixtenştenyi 4 cavabsız qolla keçiblər. Digər nəhənglərdən İngiltərə də darmadağına sevinib. Britaniyalılar Bolqarıstanı evdə 4:0 hesabı ilə məğlub ediblər.
Gecənin sürpriz nəticəsi Fransada qeydə alınıb. Dünya çempionatındakı boykotdan sonra yığmanın heyətini böyük ölçüdə dəyişən Fransada Zinəddin Zidanı düşərgəyə çağırılması belə işə yaramayıb. Belə ki, fransızlar doğma meydanda Belarusa yeniliblər. Fransanı rusvay edən qola 86-cı dəqiqədə Sergey Kislyak imza atıb.
Daha bir gözlənilməz nəticə Portuqaliyada qeydə alındı. Belə ki, yerli komanda Kiprlə oyunda xal itirdi. 8 qolun vurulduğu qarşılaşmada iki dəfə qonaqlar, iki dəfə isə meydan sahibləri hesabda önə keçsə də, bütün hallarda bərabərlik təmin olundu və matç 4:4 hesabı ilə başa çatdı.

AÇ-2012-nin seçmə mərhələsi
3 sentyabr

B qrupu
Ermənistan – İrlandiya - 0:1
Qol: Keyt Fahey, 76.

Andorra – Rusiya - 0:2
Qollar: Pavel Poqrebnyak, 14; 64-pen.

Slovakiya – Makedoniya - 1:0
Qol: Filip Holosko 90

C qrupu
Farer adaları – Serbiya – 0:3
Qollar: Danko Lazoviç, 14. Deyan Stankoviç, 18. Nikola Jiqiç, 90.

Estoniya – İtaliya – 1:2
Qollar: Sergey Zenyov, 31 - Antonio Kassano, 60. Leonardo Bonuççi, 64.

Sloveniya – Şimali İrlandiya – 0:1
Qol: Korri Evans, 70.

D qrupu
Rumıniya – Albaniya – 1:1
Qollar: Boqdan Stanku, 80 - Qyerxiç Muzaka, 87.

Lüksemburq – Bosniya və Herseqovina – 0:3
Qollar: Senayad İbriçiç, 6. Miralem Pyaniç, 12. Edin Dzeko, 16.

Fransa – Belarus – 0:1
Qol: Sergey Kislyak, 86.

E qrupu
Moldova – Finlandiya - 2:0
Qollar: Aleksandr Suvorov, 69. Anatoli Doroş, 74.

İsveç – Macarıstan - 2:0
Qollar: Pontus Uernblom, 51; 73.

San-Marino – Hollandiya - 0:5
Qollar: Dirk Kuyt, 16-pen. Klaas Han Huntelaar, 38; 48; 67. Ruud van Nistelrooy, 89.

F qrupu
Latviya – Xorvatiya - 0:3
Qollar: Mladen Petriç, 43; İviça Oliç, 51. Dario Srna, 82.

Yunanıstan – Gürcüstan - 1:1
Qollar: Nikos Spiropoulos, 72 - Vladimir Dvalişvili, 3.

G qrupu
Çernoqoriya – Uels - 1:0
Qol: Mirko Vuçiniç, 30.

İngiltərə - Bolqarıstan - 4:0
Qollar: Jermain Defo, 3; 61; 86. Adam Сonson, 83.

H qrupu
İslandiya – Norveç - 1:2
Qollar: Heydar Helquson, 38 - Brede Hanqeland, 59. Mohammed Abdellaou, 75.

Portuqaliya - Kipr - 4:4
Qollar: Hüqo Almeyda, 8. Raul Meyreles, 29. Danni, 51, Manuel Fernandes, 60 - Efstatios Aloneftis, 3. Mixalis Konstantinou, 11. Yiannakis Okkas, 57. Andreas Avraam, 90.

I qrupu
Litva – Şotlandiya – 0:0

Lixtenşteyn – İspaniya - 0:4
Qollar: Fernando Torres, 18; 54. David Vilya, 26. David Silva, 61