Millimizin Almaniya ilə oyununun təhlükəsizliyinə xüsusi diqqət

Millimizin Almaniya ilə oyununun təhlükəsizliyinə xüsusi diqqət
XƏBƏR 4 Sentyabr 2010 / 12:32 1983
-  A +

AÇ-2012-nin seçmə mərhələsi çərçivəsində sentyabrın 7-də keçiriləcək Almaniya – Azərbaycan oyununun təhlükəsizliyinə xüsusi diqqət yetiriləcək. Qol.Az-ın məlumatına görə, bu haqda Almaniya mətbuatı xəbər yayıb.
Xəbərdə bildirilir ki, sözügedən oyunun keçiriləcəyi Köln şəhərindəki “Reynenerjiştadium”un rəhbərliyi bir neçə gün öncədən qarşılaşmanı izləyəcək azarkeşlərə müraciət etmək qərarına gəlib. Çünki sözügedən stadionun dolacağını proqnozlaşdıran rəhbərlik Kölndə hansısa insidentin baş verəcəyindən çəkinir. Müraciətdə stadionun yaxınlığındakı ərazilərdə tıxac və ya basabas yaranmasın deyə, tərəfdarlardan oyuna mümkün qədər tez gəlmələri xahiş olunur. Almaniyalı futbol başbilənləri hətta matça avtomobillə gələcək azarkeşləri nəzərə alaraq, arenanın ərazisində xüsusi avtomobil dayanacaqları da təşkil edəcək. Bütün bunlar isə Almaniya – Azərbaycan qarşılaşmasını izləməyə gələcək azarkeşlərin təhlükəsiz şəkildə arenaya daxil olmasına və hansısa münaqişənin, çaxnaşmanın yaranmamasına hesablanıb.
Qeyd edək ki, millimizin almanlarla səfər qarşılaşması Bakı vaxtı ilə saat 23:45-də başlayacaq. Oyuna ev sahibliyi edəcək “Reynenerjiştadium” stadionu isə 47 min azarkeş tutumuna malikdir.


Son xəbərlər
22.12.25  18:07

Qallaher, yoxsa Neves?