Millimizin rəqibinin azarkeşləri Belçikada xuliqanlıqla məşğuldur

Millimizin rəqibinin azarkeşləri Belçikada xuliqanlıqla məşğuldur
XƏBƏR 3 Sentyabr 2010 / 18:52 2172
-  A +

Azərbaycan millisinin də yer aldığı AÇ-2012-nin seçmə mərhələsi çərçivəsində bu gün A qrupunda baş tutacaq Belçika və Almaniya yığmaları arasındakı oyuna olduqca böyük maraq var. Qol.Az-ın məlumatına görə, oyun öncəsi çılgın alman fanatlarının özbaşınalığı Belçika polisini təşvişə salıb. Hərçənd ilkin həmlədən sonra alman xuliqanların qarşısı alınsa da, oyun zamanı polislərin işinin çox çətin olacağı gözlənilir. Belçika mətbuatının verdiyi məlumata görə, alman fanatlarına təxminən 6500 bilet satılıb. Almaniya Futbol Federasiyasının da azarkeşlərinə 2500 bilet satdığını nəzərə alsaq, stadionda təxminən 9000 alman azarkeşinin oyunu canlı izləyəcəyi gözlənilir. Belə olduğu təqdirdə isə Belçika polisi gücləndirilmiş iş rejiminə keçməli olacaq. Onların işlərinin öhdəsindən nə dərəcədə gələcəyini isə zaman göstərəcək. Qeyd edək ki, “Roi Boduena” stadionunda keçiriləcək Belçika - Almaniya oyunu bu gün Bakı vaxtı ilə saat 23:45-də başlayacaq.

Daha çox


Son xəbərlər
22.12.25  18:07

Qallaher, yoxsa Neves?