Həmyerlimizin borc içində üzən klubu özünə sayt da aça bilmir

Həmyerlimizin borc içində üzən klubu özünə sayt da aça bilmir
XƏBƏR 3 Sentyabr 2010 / 17:11 2520
-  A +

Legioner həyatı yaşayan futbolçularımızdan olan qapıçı Vitali Kovalyovun şərəfini qoruduğu “Kartalspor”un azarkeşləri komandalarının rəsmi internet saytının olmamasından şikayətçidirlər. Qol.Az-ın Türkiyə mətbuatına istinadən verdiyi məlumata görə, Türkiyə Bank Asya birinci liqasının digər klublarının rəsmi saytlarının olmasına baxmayaraq, 61 illik tarixə sahib “Kartalspor”un 1 ildir ki, rəsmi internet ünvanının aça bilməməsi azarkeşləri hövsələdən çıxarıb. Yalnız komandanın fanatlarının klub adına açdığı həvəskar saytların mövcudluğu isə nə azarkeşləri, nə də qardaş ölkənin mətbuat nümayəndələrini razı salır. Xatırladaq ki, adı çəkilən klubun rəsmi veb saytı 1 il bundan qabaq xakerlər tərəfindən dağıdılıb və o zamandan bəri bərpa edilməyib. Klub rəhbərliyinin məsələ ilə bağlı heç bir iş görməməsi də azarkeşlərin ciddi etirazına səbəb olan məqamlardandır.
Bu arada Türkiyə mətbuatı dövlətə borcu olan klubların siyahısını açıqlayıb. Bu siyahıda Vitali Kovalyovun komandası “Kartalspor” da var. Görünür, elə bu səbəbdəndir ki, vergi borclarını nəzərə alan klub rəhbərliyi komandanın rəsmi saytını bərpa etməkdən çəkinir. Borclu klubların siyahısına dövlətə 31 milyon 881 min TL vergi borcu olan, bir zamanlar həmyerlilərimiz Romal Hüseynovla Rəşad Sadıqovun da formasını geydiyi “Kocaelispor” başçılıq edir. 2-ci, 3-cü sırada isə müvafiq olaraq “Göztəpə SK” (20 milyon 707 min TL) və “Sakaryaspor” (13 milyon, 767 min TL) dayanır.


Son xəbərlər
22.12.25  18:07

Qallaher, yoxsa Neves?