Revaz Dzodzuaşvili “Turan”da

Revaz Dzodzuaşvili “Turan”da
XƏBƏR 1 Sentyabr 2010 / 16:44 2060
-  A +

Tovuzun “Turan” klubu tanınmış gürcüstanlı mütəxəssis Revaz Dzodzuaşvili ilə anlaşıb. Qol.Az-ın Tovuz klubunun rəsmi saytına istinadən məlumatına görə, 65 yaşlı mütəxəssis komandanın məsləhətçisi kimi fəaliyyətə başlayıb. Adı əvvəllər də klublarımızla yanaşı hallanan çalışdırıcı Sakit Alıyevin baş məşqçisi olduğu komandaya öz zəngin təcrübəsi ilə kömək edəcək.
Futbolçu kimi 1964-1967-ci illərdə Kutaisinin “Torpedo”, 1968-1976-ci illərdə isə Tiflisin “Dinamo” klubunun şərəfini qorumuş Dzodzuaşvili SSRİ milli komandasında 49 oyun keçirib. 1970-ci ildə dünya, 1972-ci ildə Avropa çempionatının final mərhələsinin iştirakçısı olan gürcüstanlı 38 il əvvəlki turnirdə mərhum həmyerlimiz Anatoli Banişevski ilə birlikdə gümüş medalın sahibi olub.
1976-cı ildən məşqçiliyə başlayan Dzodzuaşvili vətənində OİK, “Lokomotiv”, “Torpedo”, “Kolxeti”, “Metallurq”, “Olimpi” klublarında çalışıb. Ukraynada “Temp”, Rusiya “Alaniya”, “Uralan”, “Dinamo” (Mahaçqala), Qazaxıstanda “Şaxtyor” klublarına rəhbərlik edən çalışdırıcı 1998-99-cu illərdə Latviya, 2000-01-ci illərdə isə Gürcüstan milli komandalarının baş məşqçisi olub. Dzodzuaşvilinin son klubu Qazaxıstan “Şaxtyor”u (Karaqanda) olub.


Son xəbərlər
21.12.25  18:54

PSV-dən yeni rekord