“Simurq” tarixinin ən pis mövsümünü yaşayır

XƏBƏR 30 Avqust 2010 / 15:44 2171
-  A +

"Simurq"un Unibank Premyer Liqasının 4-cü turu çərçivəsində "Turan"la ev oyunu bir sıra statistik məqamlarına görə, Zaqatala klubu üçün əlamətdar olub. Qol.Az-ın bölgə klubunun rəsmi saytına istinadən məlumatına görə, Tovuz klubu ilə qarşılaşma “Simurq”un Premyer Liqada keçirdiyi 121-ci, ümumilikdə isə 162-ci oyunu olub.
"Turan"la qarşılaşmada komandanın ilk qoluna imza atan Baçana Sxadadze "Simurq"un Premyer Liqada 130-cu, Yasin Abbasov isə bütün turnirlərdə 235-ci yubiley qolunun müəllifinə çevrilib.
Matçın 87-ci dəqiqəsində meydançaya çıxan Ramil Sayadov "Simurq"un heyətində Premyer Liqada 80-ci oyuna çıxıb və növbəti dəfə öz rekordunu yeniləyib. O, "sarı-qara" formada ən çox oyun keçirən futbolçudur.
İlk 4 turda cəmi 2 xal toplayan “Simurq” tarixində ikinci dəfə çempionata belə zəif start verib. Buna qədər "sarı-qaralar" yalnız 2006/07 mövsümündə (Premyer Liqada debüt ili) ilk 6 görüşü qələbəsiz başa vurmuşdu. Qalan mövsümlərdə isə "Simurq" ən geci 3-cü turda ilk qələbəni qazanmışdı.


Son xəbərlər
21.12.25  18:54

PSV-dən yeni rekord