Diniyevin komandası “Spartak”ı xalsız yola saldı

XƏBƏR 30 Avqust 2010 / 14:18 1994
-  A +

Rusiya Premyer Liqasında 19-cu turun oyunları keçirilib. Qol.Az-ın məlumatına görə, Ukrayna yığmasının formasını geyinən Aleksandr Əliyevin çıxış etdiyi Moskva "Lokomotiv"i "Zenit"i qəbul edib. Həmyerlimizin komandası darmadağınla üzləşib. Belə ki, "Zenit" Moskva klubunu üç dəfə meydanın mərkəzinə dəvət edib. Aleksandr meydana start heyətinədə çıxıb, 90 dəqiqə oynayıb və 68-ci dəqiqədə sarı vərəqə alıb. Rusiya vətəndaşlığını qəbul etmiş həmyerlimiz Aleksandr Səmədovun çıxış etdiyi çıxış etdiyi Moskva "Dinamo"su "Tom"un qonağı olub. Moskva təmsilçisi meydanı 0:1 hesablı məğlubiyyətlə tərk edib. Səmədov meydana start heyətində çıxıb və 90 dəqiqə oynayıb. Daha bir həmyerlimiz, Rusiya vətəndaşlığı qəbul etmiş Emin Mahmudovun çıxış etdiyi "Saturn" "Krılya Sovetov"la qarşılaşıb və oyun 1:1 hesabı ilə başa çatıb. Emin matçı ehtiyat oyunçular skamiyasından izləyib.
Milli komandamızın sabiq baş məşqçisi Şahin Diniyevin məşqçi işlədiyi "Terek" isə Moskva "Spartak"ını qəbul edib. Qroznı təmsilçisi 2:0 hesablı qələbə qazanıb. "Terek" 19 oyundan sonra 27 xalla 6-cı pillədə qərarlaşıb. Millimizin şərəfini qoruyan Mahir Şükürovun çıxış etdiyi "Anji" isə bu gün "Sibir"i qəbul edəcək. Qarşılaşma 19:00-da start götürəcək.


Son xəbərlər
21.12.25  18:54

PSV-dən yeni rekord