Rəşad Sadıqov “Bursaspor”la oyunda debüt edəcək

XƏBƏR 30 Avqust 2010 / 13:35 2200
-  A +

Dünən Türkiyənin "Eskişəhərspor" klubu ilə iki illik müqavilə imzalayan milli komandamızın kapitanı Rəşad Sadıqov yeni komandasının "Qalatasaray"la matçını canlı izləyib. Qol.Az-ın məlumatına görə, ötən gecə Eskişəhərdəki "Atatürk" stadionunda keçirilən qarşılaşmanı stadiondan izləyən Rəşad yeni komandasının 1:3 hesablı məğlubiyətinə şahidlik edib.
"Eskişəhərspor"la 2 illik anlaşmaya imza atan Rəşad üçün bu həftə ərzində Türkiyə Futbol Federasiyasından lisenziya alınacaq. Millimizin kapitanı sentyabrın 12-də səfərdə "Bursaspor"la keçiriləcək qarşılaşmada meydana çıxa biləcək.
Maraqlıdır ki, ölkəmizdə olduğu kimi, Türkiyədə də bu keçid gözlənilməz olub. Ən maraqlısı isə, türkiyəli həmkarlarımızın Rəşadın transferini “səssiz-səmirsiz keçid” adlandırmasıdır: “İki mövsüm öncə “Kocaelispor”un formasını geyən Azərbaycan milli komandasının kapitanı Rəşad Sadıqov dünən Əskişəhərə gələrək, iki illik sözləşməni səssiz-səmirsiz imzaladı. Müdafiədəki çətinliyi aradan qaldırmaq üçün günlərdir axtarışda olan klub prezidenti Halil Ünal bir dönəm Rəşadla əl sıxdı. 28 yaşlı futbolçu dünən “Əskişəhər”la müqavilə imzaladıqdan sonra onun “Qalatasaray”la oyununu tribunadan izlədi. Rəşadın transfer vərəqi sabah gələcək və “Bursaspor”la oynayacaq görüşdə heyətdə yer veriləcəyi halda oynaya biləcək”.


Son xəbərlər
21.12.25  18:54

PSV-dən yeni rekord