Çertoqanovdan etiraf: “Biz bütün mübarizəni uduzduq”

Çertoqanovdan etiraf: “Biz bütün mübarizəni uduzduq”
XƏBƏR 30 Avqust 2010 / 12:09 2383
-  A +

“Oyun haqqında heç nə demək istəmirəm. Bütövlükdə bizim oyunumuz alınmadı”. Qol.Az-ın məlumatına görə, bu sözləri “İnter”in oyunçusu Aleksandr Çertoqanov deyib.
Unibank Premyer Liqasının son turunda doğma meydanda “Neftçi”yə 2 cavabsız qolla yenilən son ölkə çempionunun orta sahə oyunçusu keçmiş komandasına məğlubiyyətlə bağlı klubun rəsmi saytına müsahibəsində rəqibin daha yaxşı oynadığını etiraf edib: “Sadəcə, rəqib yaxşı oynadı. Biz bütün mübarizəni uduzduq və rəqib qapısı qaşrşısında demək olar, təhlükəli vəziyyət yarada bilmədik”.
Çertoqanov matçda təyin olunan penaltinin də ədalətli olduğunu bildirib: “Penalti var idi. Ona görə ki, ayağa təmas olmuşdu”.
Millinin üzvü zədəsi barədə də məlumat verib: “O qədər də böyük olmayan zədəm var və oyunda yenidən zədə aldım. Amma hər şey yaxşı olacaq, 2-3 gündən sonra tam qaydasına düşəcəyəm”.


Son xəbərlər
21.12.25  18:54

PSV-dən yeni rekord