“Muğan” “Gəncə”ylə oyuna itkisiz çıxacaq

“Muğan” “Gəncə”ylə oyuna itkisiz çıxacaq
XƏBƏR 27 Avqust 2010 / 13:30 1939
-  A +

Sabah Unibank Premier Liqasında 4-cü turun oyunlarına start veriləcək. Qol.Az-ın məlumatına görə, turun ilk matçında Salyan təmsilçisi “Muğan” “Gəncə”ni qəbul edəcək. Matçın start fiti saat 17:15-də Salyan Olimpiya Kompleksinin Stadonunda veriləcək.
Qeyd edək ki, matç Azərbaycan Dövlət Televiziyası ilə canlı yayımlanacaq. Bu matç adı çəkilən komandaların Unibank Premier Liqasındakı ilk qarşılaşması olacaq. “Muğan” bu gün matçöncəsi hazırlıqlarını davam etdirmək üçün Salyana yola düşüb.
Baş məşqçi Almir Hurtiçin klubun rəsmi saytına verdiyi açıqlamaya görə bu gün axşam saatlarında komanda 1 saatlıq məşq keçəcək. Sabah isə heyətin matç saatına qədər dinlənəcəyi gözlənilir. Bosniyalı mütəxəssisin bildirdiyinə görə komanda üzvləri sabah keçiriləcək matça tam hazırdır və meydana yalnız qələbə üçün çıxacaq. Habelə cəzalılar baxımından problemlərinin olmadığını bildirən təcrübəli mütəxəssis yüngül zədəsi olan Fərruz İsmayılovun və Amil Ağacanovun “ilk 11-lik”də yer alıb-almayacağının matç saatında bəlli olacağını bildirib.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...