“Xəzər Lənkəran” AZAL-la oyunda ənənəni davam etdirmək istəyir

“Xəzər Lənkəran” AZAL-la oyunda ənənəni davam etdirmək istəyir
XƏBƏR 27 Avqust 2010 / 13:01 2219
-  A +

Bu həftəsonu Unibank Premyer Liqasında 4-cü turun oyunları keçiriləcək. Qol.Az-ın məlumatına görə, “Xəzər Lənkəran” avqustun 29-da AZAL-ın qonağı olacaq. Bu meydan sahiblərinin yeni adı altında lənkəranlılarla ilk oyunudur. Əvvəl “Olimpik” və “Olimpik-Şüvəlan” adları ilə Premyer Liqada çıxış edən “təyyarəçilər”lə çempionatda 10 dəfə üz-üzə gələn cənublular aşkar üstünlüyə malikdir.
Lənkəran klubunun rəsmi saytının məlumatına görə, paytaxt təmsilçisini 4 il qələbəyə həsrət qoyan “ağ-yaşıllar” yalnız ötən il ilk dəfə bakılılara məğlub oldu. Bu yeganə uğursuzluğun qarşılığında “Xəzər Lənkəran” 6 dəfə meydandan 3 xalla ayrılıb. Bu dəfə isə lənkəranlılar Bakıya 7-ci qələbə dalınca yollanıb.
Komandaların oyunları ilə bağlı maraqlı bir ənənə müşahidə olunur. Nə qədər maraqlı olsa da artıq 6-cı mövsümdür ki, birinci dövrədəki oyun Bakıda keçirilir. İkinci dövrədə isə AZAL cənubluların qonağı olur. Paytaxtdakı qarşılaşmalarla bağlı o da maraqlıdır ki, komandalardan heç biri birdən artıq top fərqilə qalib gəlmir: ya heç-heçə olur, ya da minimal fərqli qələbə qeydə alınır.
Bu dəfəki kimi avqust ayına təsadüf edən yeganə qarşılaşma isə 5 il əvvəl baş tutub. Həmin – komandalar arasındakı ilk görüşdə cənublular iki cavabsız qolla meydan sahiblərini məğlub ediblər.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...