Türkiyə klubları da “Qarabağ”ın aqibətini yaşadı

Avropa Liqasının pley-off mərhələsinə yekun vurulub. Qol.Az-ın məlumatına görə, cavab oyunları çərçivəsində keçirilən 36 qarşılaşmadan sonra qrup mərhələsinin iştirakçılarının tam siyahısı müəyyənləşib. Avrokuboklardakı sonuncu təmsilçimiz “Qarabağ”ın avroliqayla vidalaşdığı gecə qardaş Türkiyə komandaları üçün də uğursuz alınıb. Bu ölkənin 4 komandasından yalnız “Beşiktaş” qrup mərhələsinə çıxa bilib. “Trabzonspor” “Liverpul” kimi güclü rəqiblə ev oyununda səfər matçındakı minimal hesablı məğlubiyyətin əvəzini çıxaraq, matçın böyük hissəsini üstün oynasa da, sonda buraxılan iki qolla turnirlə vidalaşıb. “Qalatasaray” doğma meydanda 2:2 hesablı heç-heçəyə razılaşdığı ortabab “Karpatı” ilə səfər görüşünün əsas vaxtına əlavə olunmuş dəqiqələrdə hesabda önə keçsə də, elə həmin dəqiqədə buraxdığı qolla hər şeyin üstündən xətt çəkib. “Fənərbaxça” isə səfərdə uduzduğu PAOK-un əlavə vaxtda 1:1 hesablı heç-heçəyə nail olmasının qarşısını ala bilməyib.

Avropa Liqası (pley-off mərhələsi, cavab oyunları)

24 avqust
“Anortosis (Kipr) - MOİK (Rusiya) - 1:2 (0:4)

26 avqust
HİK (Finlandiya) – “Beşiktaş” (Türkiyə) - 0:4 (ilk oyun - 0:2)

“Austriya” (Vyana, Avstriya) – “Aris” (Yunanıstan) - 1:1 (0:1)

“Tavriya” (Ukrayna) – “Bayer” (Almaniya) - 1:3 (0:3)

“Metallist” (Ukrayna) – “Omoniya” (Kipr) - 2:2 (1:0)

“Lex” (Polşa) – “Dnepr” (Ukrayna) - 0:0 (1:0)

“Karpatı” (Ukrayna) – “Qalatasaray” (Türkiyə) - 1:1 (2:2)

“Lokomotiv” (Rusiya) – “Lozanna” (isveçrə) - 1:1, pen. - 3:4 (1:1)

PSV (Hollandiya) – “Sibir” (Rusiya) - 5:0 (0:1)

“Lill” (Fransa) – “Vasluy” (Rumıniya) - 2:0 (0:0)

“Maritimu” (Portuqaliya) - BATE (Belarus) - 1:2 (0:3)

“Makkabi” (Təl-Əviv, İsrail) - PSJ (Fransa) - 4:3 (0:2)

“Aston Villa” (İngiltərə) – “Rapid” (Vyana, Avstriya) - 2:3 (1:1)

“Ştutqart” (Almaniya) – “Slovan” (Slovakiya) - 2:2 (1:0)

“Levski” (Bolqarıstan) - AİK (İsveç) - 2:1 (0:0)

TNS (Uels) - MOİK (Bolqarıstan) - 2:2 (0:3)

“Motervell” (Şotlandiya) – “Odense” (Danimarka) - 0:1 (1:2)

“Gent” (Belçika) – “Feyenoord” (Hollandiya) - 2:0 (0:1)

“Qrashoppers” (İsveçrə) – “Styaua” (Rumıniya) - 1:0, pen. - 4:3 (0:1)

“Liteks” (Bolqarıstan) – “Debretsen” (Macarıstan) - 1:2 (0:2)

“Unirea” (Rumıniya) – “Hayduk” (Xorvatiya) - 1:1 (1:4)

“Portu” (Portuqaliya) – “Genk” (Belçika) - 4:2 (3:0)

“Maribor” (Sloveniya) – “Palermo” (İtaliya) - 3:2 (0:3)

“Dinamo” (Minsk, Belarus) – “Brügge” (Belçika) - 2:3 (1:2)

“Fənərbaxça” (Türkiyə) - PAOK (Yunanıstan) - 1:1, əlavə vaxtda (0:1)

“Trabzonspor” (Türkiyə) – “Liverpul” (İngiltərə) - 1:2 (0:1)

“Utrext” (Hollandiya) – “Seltik” (Şotlandiya) - 4:0 (0:2)

“Mançester Siti” (İngiltərə) – “Timişoara” (Rumıniya) - 2:0 (1:0)

“Elfsborq” (İsveçrə) – “Napoli” (İtaliya) - 0:2 (0:1)

APOEL (Kipr) – “Xetafe” (İspaniya) - 1:1, əlavə vaxtda (0:1)

AEK (Yunanıstan) – “Dandi Yunayted” (Şotlandiya) - 1:1 (1:0)

“Aktobe” (Qazaxıstan) – “Alkmaar” (Hollandiya) - 2:1 (0:2)

“Dinamo” (Zaqreb, Xorvatiya) – “Qyor ETO” (Macarıstan) - 2:1 (2:0)

“Qarabağ” (Azərbaycan) – “Borussiya” (Dortmund, Almaniya) - 0:1 (0:4)

“Yuventus” (İtaliya) – “Şturm” (Avstriya) - 1:0 (2:1)

“Brondbü” (Danimarka) – “Sportinq” (Portuqaliya) - 0:3 (2:0)

“Dnepr” (Mogilyov, Belarus) – “Vilyareal” (İspaniya) - 1:2 (0:5)