“Simurq” “Turan”la oyuna iki itkiylə yollandı

XƏBƏR 26 Avqust 2010 / 12:53 1675
-  A +

"Rəvan"a qarşı yoxlama oyunu ilə hazırlığın Bakı mərhələsinə yekun vuran "Simurq" artıq bu gün səhər saatlarında Zaqatalaya yola düşüb. Qol.Az-ın bölgə klubunun rəsmi saytına istinadən məlumatına görə, "Turan"la Unibank Premyer Liqasının 4-cü turunun matçından öncə komanda doğma rayonda iki məşq keçəcək. Cümə axşamı və cümü günlərinə planlaşdırılan məşqlər oyunun başlanacağı saatda, yəni 17:30-da baş tutacaq.
Yeri gəlmişkən qeyd edək ki, “Simurq”un Zaqatalaya yollanma ərəfəsində iki futbolçusunun səfərə çıxmayacağı məlum olub. Bunlar qasıq nahiyəsində ağrılar hiss edən və bu üzdən meydançaya çıxmayan yarımmüdafiəçi Elçin Xəlilov və "Rəvan"la qarşılaşmanın lap əvvəlində dizindən zədə alan Rəşad Hüseynovdur. Hər iki futbolçunun durumu ilə bağlı həkimlər yaxın günlərdə qərar verəcəklər. Bununla belə, adıçəkilən oyunçuların "Turan"la qarşıdakı görüşü buraxacaqları dəqiqdir.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...