22:56
Son günlərdə vurduğu qollarla futbol ictimaiyyətinin diqqətini cəlb edən özbəkistanlı futbolçu Bahodir Nasimov "Neftçi" futbol klubunun rəsmi saytına musahibə verib. Qol.Az həmin müsahibəni sizə də təqdim edir.
- Bahodir, "Neftçi"yə yay transfer dönəmində qoşulan futbolçulardansan. Özünü yeni komandanda necə hiss edirsən?
- Bildiyiniz kimi, mən "Rubin"də çıxış edirdim. Kazan klubu Rusiya çempionatının son qalibidir, Premyer Liqada mübarizə aparan komandalar arsında güclü rəqabət mövcuddur. Məhz yay transfer dönəmində mənə "Neftçi"də baxışdan keçmək üçün təklif gəldi. Bu komandanın zəngin tarixə malik olduğunu bildiyim üçün həvəslə Bakıya yollandım.
- Bakıya gəldiyin ilk oyunda "Qəbələ"yə qol vurdun. Yeni komandanın heyətində fərqlənmək necə duyğudur?
- Həmin oyundan bir gün əvvəl Bakıya gəlmişdim. Təbii ki, bir az yorğunluq var idi. Buna baxmayaraq, qol vurmaq imkanını əldən vermədim.
- Türkiyə toplanışında da özünü yaxşı tərəfdən göstərə bildin. Belə təəssürat yaranır ki, hər oyunda qol vurmadan meydanı tərk etmək fikrində deyilsən.
- Düşünürəm ki, hücumçunun əsas işi qol vurmaqdır. Təbii ki, "Neftçi"nin forvardı kimi mənim vəzifəm rəqib qapıçıları məyus etməkdir. Hər oyunda üzərimə düşən vəzifənin öhdəsindən gəlmək üçün var gücümlə çalışıram.
Qeyd edək ki, "Neftçi"nin yeni transferi Bahodir Nasimov meydana çıxdığı 3 oyunda 5 qol vuraraq, hal-hazırda çempionatımızın ən sərrast futbolçusudur.
"Karvan-Yevlax"dan getdi
PSJ-də yeni müqavilə
"Vestri" - "Qarabağ": Heyətlər
Azərbaycan millisindən ardıcıl ikinci qələbə
“Qarabağ”ın oyunu canlı yayımlanacaq
"Məni marketinq aləti yox, futbolçu kimi görsünlər"
"Zirə" növbəti mərhələyə yüksəldi
Messi DÇ-2026-da bu göstəricidə hamını qabaqlayır
Reşford "Fənərbaxça"ya gələcək?
Dünya Çempionatı 2026
Xəbərlər
Təqvim
Cədvəl