İlqar Qurbanov ilk oyunda mersinlilərin ümidlərini doğrultmayıb

XƏBƏR 21 Avqust 2010 / 16:37 2052
-  A +

Ötən gün Türkiyə Bank Asya birinci liqasının açılış oyunu çərçivəsində keçirilən "Adanaspor" - "Mersin İdman Yurdu" matçında forma geyinən millimizin və AZAL-ın sabiq üzvü İlqar Qurbanovun çıxışı tənqidə məruz qalıb. Qol.Az-ın məlumatına görə, Mersin klubunun rəsmi saytı futbolçumuzun ondan gözlənilən oyunu sərgiləmədiyini yazıb.
İlk görüşdə meydana çıxan bütün futbolçuları ayrı-ayrılıqda dəyərləndirən sayyın əməkdaşları İlqarın qarşıdakı matçlarda heyətə düşməkdə çətinlik çəkəcəyini yazıb: "İlqar Qurbanov böyük ümidlərlə transfer edildi. Lakin ilk matçında ortaya qoyduğu futbol tam bir xəyal qırıqlığı idi. Bu şəkildə bundan sonrakı matçlarda forma şansı qazanması çətin olacaq".
Qeyd edək ki, mersinli azarkeşlərin ayrı-ayrı internet saytlarının forumlarında da həmyerlimiz ciddi tənqid olunub və onun göstərdiyi oyun bəyənilməyib. Halbuki məşhur ajansspor.com saytı fərqli fikirdədir. Türk həmkarlarımızın fikrincə, İlqar qarşılaşmanın ən yaxşı futbolçusu olub. Belə ki, sözügedən sayt hər iki komandanın heyətindən bir futbolçunu yüksək balla - 3 ulduzla qiymətləndirib ki, "Mersin İdman Yurdu"nun heyətində də bu oyunçu məhz Qurbanov olub.
Qeyd edək ki, İlqar qarşılaşmanın 60-cı dəqiqəsində zədələnərək, meydanı xərəkdə təkr edib.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...