Kaqava: “Qarabağ”la oyunda hər şey yaxşı başladı

Kaqava: “Qarabağ”la oyunda hər şey yaxşı başladı
XƏBƏR 20 Avqust 2010 / 15:28 1939
-  A +

“Azarkeşlərimiz qarşısında iki qol vurmaq çox sevindiricidir. Çılğın azarkeşlərimiz var ki, yeni mövsümdə də onlarla olacağım üçün xoşbəxtəm”. Qol.Az-ın məlumatına görə, bu sözləri Almaniya “Borussiya”sının futbolçusu Şinyi Kaqava deyib.
Avropa Liqasının pley-off mərhələsinin ilk oyununda dünən yeganə təmsilçimiz “Qarabağ”ın qapısına 2 qol vuran yaponiyalı çətinliklə üzləşmədiklərini bildirib: “Qarabağ”la oyunda hər şey yaxşı başladı. Erkən qol vurduq və 4:0-a qədər yaxşı oynadıq. Lakin fasilədən sonra tempi aşağı salıb, ehtiyatlı oynamağa başladıq. Çünki artıq qarşıdakı oyunu düşünürdük. “Bayer”lə oyunumuz var. Düşünürəm ki, həmin matç daha gərgin olacaq. Həmin görüşə hazırlaşmaq üçün 3 gün vaxtımız var. Mən bütövlüklə həmin qarşılaşmaya köklənmişəm. Mənim üçün Mixael Ballaka qarşı oynamaq böyük şərəfdir. Vətənimdə bu səviyyədə ulduza qarşı oynamaq mənə nəsib olmayıb”.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...