“Qarabağ”la “Xəzər Lənkəran”ın oyunçusuna 4 oyunluq cəza

“Qarabağ”la “Xəzər Lənkəran”ın oyunçusuna 4 oyunluq cəza
XƏBƏR 17 Avqust 2010 / 13:06 2367
-  A +

Bu gün keçirilən AFFA İntizam Komitəsinin iclasında Unibank Premyer Liqasında çıxış edən klubların əvəzedici heyətləri arasında təşkil olunan ölkə çempionatının ikinci turunda baş verən olaylar da müzakirə edilib. Qol.Az-ın məlumatına görə, müzakirələrdən sonra, aşağıdakı qərarlar qəbul edilib.
“Simurq” –  “Xəzər Lənkəran” matçının 34-cü dəqiqəsində qonaqların futbolçusu Amid Hüseynov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb, klubu isə 2000 manat cərimə olunub.
“Muğan” –  “Bakı” matçında meydan sahiblərinin 4 futbolçusu sarı vərəqə ilə cəzalandırıldığı üçün klub 500 manat cərimə olunub.
“İnter” –  MOİK matçında da meydan sahiblərinin 4 futbolçusu sarı vərəqə ilə cəzalandırıldığı üçün klub 500 manat cərimə olunub.
“Qəbələ” – “Neftçi” matçında isə qonaqların 4 futbolçusu sarı vərəqə ilə cəzalandırıldığı üçün klub 500 manat cərimə olunub.
“Qarabağ” –  “Gəncə” matçında meydan sahiblərinin 5 futbolçusu sarı vərəqə ilə cəzalandırıldığı üçün klub 500 manat cərimə olunub. Matçın 80-ci dəqiqəsində “Qarabağ”ın futbolçusu Kamil Xanıyevlə “Gəncə”nin futbolçusu Kamran Babayev aqressiv hərəkətə  görə (topsuz rəqibə ayaqla zərbə) birbaşa qırmızı vərəqə alaraq  meydandan kənarlaşdırıldıqları üçün hər iki futbolçu 4 oyunluq cəzalanıb, hər iki klub 2000 manat cərimə olunub. Oyunun 90+3-cü dəqiqəsində “Qarabağ”ın futbolçusu Elvin Xudadatov əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klubu 100 manat cərimə olunub.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...