22:54
FİFA prezidenti Yozef Blatter Şimali Koreya yığmasının oyunçuları və məşqçiləri ilə sərt rəftar olunduğu barədə xəbərlərin araşdırılmasına başlanıldığını elan edib. "Associated Press"in verdiyi məlumata görə, ali futbol qurumu KXDR Futbol Federasiyasına etdiyi müraciətdə milli komandanın 2010-cu il Dünya çempionatında uğursuz çıxışı ilə əlaqədar oyunçu və məşqçilərin cəzalandırıldığına dair faktlara aydınlıq gətirilməsini xahiş edib.
Bununla yanaşı, FİFA KXDR Futbol Federasiyasına yeni prezident seçkisi haqda məlumat almaq istəyir. Blatter bildirib ki, ali futbol qurumu gələcək addımlarını Şimali Koreya tərəfindən alacağı cavaba əsasən müəyyənləşdirəcək.
2010-cu ilin iyulunda "Free Asia" radiostansiyası xəbər verib ki, KXDR yığmasını ölkə rəhbərliyi ilə görüşə çağırıblar. Həmin görüşdə futbolçulara töhmət elan olunub, sonra isə onları baş məşqçi Kim Çon Xona qarşı çıxmağa vadar ediblər. Radiostansiya KXDR-dəki adı açıqlanmayan mənbəyə və ölkədə baş verənlərdən xəbərdar olan çinli biznesmenə istinad edib. Futbolçuların hökumət üzvləri ilə görüşü haqda Şimali Koreya KİV-lərində informasiya verilməyib və Cənubi Koreyanın kəşfiyyat orqanları tərəfindən təsdiqlənməyib. Avqustun əvvəlində Cənubi Koreyanın “Çoson ilbo” qəzeti Kim Çon Xonun tikintidə 14 saatlıq islah işlərinə məhkum olunduğunu və onun KXDR-in Əmək Partiyasından xaric edildiyini yazıb.
Asiya Futbol Konfederasiyasının prezidenti Məhəmməd ibn-Həmmam isə bildirib ki, iyulda KXDR yığmasının 4 futbolçusu ilə söhbət edib və onların heç biri sərt davranışa məruz qaldıqlarını deməyib. Həmmam oyunçuların işgəncə və ya buna bənzər cəzaya məruz qalmalarına dair xəbərləri təsdiqləyə bilməyəcəyini söyləyib.
Qeyd edək ki, Dünya çempionatında KXDR millisi G qrupunda keçirdiyi hər 3 görüşü uduzaraq, 1/8 finala çıxa bilməyib. Şimali koreyalılar Braziliyaya 1:2, Portuqaliyaya 0:7, Fildişi Sahilinə isə 0:3 hesabı ilə yeniliblər.
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
