“Xəzər Lənkəran” Yordaşe ilə münasibətlərini rəsmiləşdirdi

“Xəzər Lənkəran” Yordaşe ilə münasibətlərini rəsmiləşdirdi
XƏBƏR 11 Avqust 2010 / 20:06 2562
-  A +

“Xəzər Lənkəran” klubu bu gün yeni futbolçu ilə iki illik müqavilə imzalayıb. Qol.Az-ın Lənkəran klubunun rəsmi saytına istinadən məlumatına görə, bu, rumıniyalı yarımmüdafiəçi Adrian Сorc Yordaşedir.
29 yaşlı futbolçu öz karyerasını 15 yaşında ölkəsinin 3-cü divizionunda oynayan “Forestierul Stilpeni” klubunda başlayıb. Daha sonra o, “Dinamo” Buxarest (1999-2005) komandasının şərəfini qoruyub, Çempionlar Liqasında iştirak edib və bu klubda 2003, 2004 və 2005-ci illərdə Rumıniyanın ən yaxşı mərkəz müdafiəçisi titulunu qazanıb. “Dinamo”dan Rusiyanın “Şinnik” (Yaroslavl) (2005-2006) komandasına keçib. Maraqlıdır ki, onun transferinə Rusiya klubu 1 milyon avroya yaxın pul xərcləyib. Bu, o zaman üçün transferə çıxarılmış rumın futbolçuları arasında ən yüksək göstərici idi. Daha sonra futbolçu “Sinnik”i tərk edərək vətəninə qayıdıb “Arceş” (Piteşti) (2007) klubuna keçib. Həmin il futbolçu Kiprə yollanıb və orada əvvəlcə “ALKİ” (2007-2008), sonra isə AEL (Limasol) (2008-2009) klublarının formalarını geyib. Son ildə isə Adrian Rumıniyanın “Rapid” komandasında oynayıb. Adrian subaydır, ingilis və qismən rus dillərində danışır.
Qeyd edək ki, Yordaşenin transferi haqda ilk olaraq Rumıniya mətbuatı xəbər yaymışdı. Göründüyü kimi, onların bu dəfəki xəbəri də özünü doğrultdu.


Son xəbərlər
20.12.25  22:54

Yamal, Haaland, Keyn...