Komandası qalib gəldi, Mahir Şükürov “fərqləndi”

Komandası qalib gəldi, Mahir Şükürov “fərqləndi”
XƏBƏR 8 Avqust 2010 / 12:59 2573
-  A +

Rusiya Premyer Liqasında növbəti turun oyunları keçirilib. Qol.Az-ın məlumatına görə, millimizin də şərəfini qoruyan Mahir Şükürovun çıxış etdiyi “Anji” klubu “Amkar”la qarşılaşıb. Rəqibini doğma meydanda qəbul edən Mahaçqala təmsilçisi bu görüşdə minimal hesablı qələbəyə seviniblər. Josanın 44-cü dəqiqədə penaltidən vurduğu qol Mahirin komandasına 3 xal qazandırıb. Bu dağıstanlıların cari mövsümdəki 5-ci qələbəsi olub.
Həmişə olduğu kimi yenə start heyətində meydana çıxan 28 yaşlı müdafiəçimiz matçı əvəzlənmədən keçirib. Lakin Şükürov 63-cü dəqiqədə sarı vərəqə almaqla “fərqlənib”. Ehtiyat oyunçular skamyasının yaxınlığından aut atmalı olan həmyerlimiz əlinə düşən imkandan istifadə edərək, məşqçisi Akayevlə söhbət etməyə və su içməyə başlayıb. Elə buna görə də baş hakim ona sarı vərəqə göstərib.
Qeyd edək ki, bu qələbədən sonra Mahirin komandası 16 kollektiv arasında 19 xalla 10-cu pillədə qərarlaşıb.

Daha çox


Son xəbərlər
20.12.25  22:54

Yamal, Haaland, Keyn...