“Qarabağ”ın uğurunu “Qalatasaray”la “Beşiktaş” da təkrarladı

Avropa Liqasının üçüncü təsnifat mərhələsinin oyunlarına yekun vurulub. Qol.Az-ın məlumatına görə, Azərbaycanın türnirdə yeganə təmsilçisi “Qarabağ”ın zəfər qazandığı gecədə Türkiyə təmsilçiləri də qələbəyə seviniblər. “Qalatasaray” öz meydanında bərabərə qaldığı (2:2) Belqradın OFK klubunu səfərdə darmadağın edib (5-1). Frank Raykaardın komandasında qolları Mustafa (12), Kyuel (22, 57), Arda (71) və Mehmet Batdal (81) vurublar. OFK-nin təsəlli topunu isə Nikoliç (32) vurub. "Beşiktaş" da növbəti mərhələyə vəsiqə qazanıb. "Qara qartallar" Çexiya "Viktoriya"sının qapısından 3 cavabsız top keçiriblər. Qolları Kuaresma (39), Delqado (57) və Holosko (71) vurub.
Cavab oyunlarının bir neçəsində isə xoşagəlməz hadisələr yaşanıb. Gürcüstanın "Zestafoni" klubu ilə Ukrayna təmsilçisi "Karpatı" arasında görüş vaxtından əvvəl dayandırılıb. Buna işıqlandırma sistemindəki problemlər səbəb olub. Matçın 36-cı dəqiqəsində stadionun işıqlarının sönməsi üzündən futbolçular meydanı tərk ediblər. Onlar yalnız bir müddətdən sonra soyunub-geyinmə otaqlarını tərk edərək, yenidən mübarizəni davam etdiriblər. Bu məcburi fasilə təxminən 23 dəqiqə davam edib.
Slovakiyada baş tutan "Slovan" - "Srvena zvezda" görüşündə də eyni hadisə - 15-ci dəqiqədə meydan sahibləri hesabda 1:0 üstün olarkən - təkrarlanıb.

Avropa Liqası (üçüncü təsnifat mərhələsi, cavab oyunları)

“Teteks” (Makedoniya) – “Elfsborq” (İsveç) 1:2 (ilk oyun 0:5)

OFK (Serbiya) – “Qalatasaray” (Türkiyə) 1:5 (2:2)

“Banik” (Çexiya) – “Dnepr” (Belarus) 1:2 (0:1)

“Dinamo” (Belarus) – “Makkabi” (Hayfa, İsrail) 3:1 (0:1)

“Zestafoni” (Gürcüstan) – “Karpatı” (Ukrayna) 0:1 (0:1)

“Dinamo” (Gürcüstan) – “Şturm” (Avstriya) 1:1 (0:2)

“Anortosis” (Kipr) – “Serkl Brügge” (Belçika) 3:1 (0:1)

“Apollon” (Kipr) – “Sibir” (Rusiya) 2:1 (0:1)

“Höteborq” (İsveç) – “Alkmaar” (Hollandiya) 1:0 (0:2)

“Dnepr” (Ukrayna) – “Spartak” (Serbiya) 2:0 (1:2)

“Brondbü” (Danimarka) – “Buduçnost” (Çernoqoriya) 1:0 (2:1)

“Lozanna” (İsveçrə) – “Randers” (Danimarka) 1:1 (3:2)

“Timişoara” (Rumıniya) – “MüPa” (Finlandiya) 3:3 (2:1)

“Aris” (Yunanıstan) – “Yaqeloniya” (Polşa) 2:2 (2:1)

“Levski” (Bolqarıstan) – “Kalmar” (İsveç) 5:2 (1:1)

“Lütsern” (İsveçrə) – “Utrext” (Hollandiya) 1:3 (0:1)

“Beşiktaş” (Türkiyə) – “Viktoriya” (Çexiya) 3:0 (1:1)

“Genk” (Belçika) – “İnter” (Finlandiya) 3:2 (5:1)

“Makkabi” (İsrail) – “Olimpiakos” (Yunanıstan) 1:0 (1:2)

“Yablonets” (Çexiya) - APOEL (Kipr) 1:3 (0:1)

“Austriya” (Avstriya) – “Rux” (Polşa) 3:0 (3:1)

“Banqor Siti” (Uels) – “Maritimu” (Portuqaliya) 1:2 (1:7)

“Hayduk” (Xorvatiya) – “Dinamo” (Rumıniya) 3:0 (1:3)

“Ştutqart” (Almaniya) – “Molde” (Norveç) 2:2 (3:2)

“Kliftonvill” (Şimali İrlandiya) - ÇSKA (Bolqarıstan) 1:2 (0:3)

“Liverpul” (İngiltərə) – “Rabotniçki” (Makedoniya) 2:0 (2:0)

“Motervell” (Şotlandiya) – “Olesunn” (Norveç) 3:0 (1:1)

“Hibernian” (Şotlandiya) – “Maribor” (Sloveniya) 2:3 (0:3)

“Yuventus” (İtaliya) – “Şamrok Rovers” (İrlandiya) 1:0 (2:0)