Rednik Pasulkoyla Mircavadovun ənənəsini davam etdirə biləcəkmi?

Rednik Pasulkoyla Mircavadovun ənənəsini davam etdirə biləcəkmi?
XƏBƏR 5 Avqust 2010 / 15:30 2126
-  A +

Azərbaycan Premyer Liqasının birinci turunun “Qəbələ” ilə oyunu “Xəzər Lənkəran”ın yeni baş məşqçisi Mirça Rednik üçün xüsusi əhəmiyyət kəsb edir. Qol.Az-ın Lənkəran klubunun rəsmi saytına istinadən məlumatına görə, avqustun 7-də keçiriləcək qarşılaşma rumıniyalı mütəxəssisin cənub təmsilçisində debüt matçı olacaq. Klubun tarixi ərzində 6-cı baş məşqçi olan Rednik startda qələbə qazanmaq əzmindədir. Ona qədər “Xəzər Lənkəran”ın heç bir baş məşqçisi debüt matçında uduzmayıb. Lakin qələbə də hər mütəxəssisə nəsib olmayıb. Yalnız Viktor Pasulko və Ağasəlim Mircavadov ilk matçlarında qələbə sevinci yaşayıb. Onların hər ikisi Lənkəranda minimal fərqli qələbəyə seviniblər. Digər 3 çalışdırıcı isə fəaliyyətinə heç-heçə ilə başlayıb.
Qeyd edək ki, Nazim Süleymanov, Rasim Kara və Mircavadov komandaya iki dəfə baş məşqçi təyin olunub. Onların qayıdışdan sonrakı ilk görüşləri debüt matçı sayılmır. Həmçinin bu vəzifəni müvəqqəti icra edənlərin də “Xəzər Lənkəran”ı meydana çıxarması şərti xarakter daşıyıb.

Baş məşqçilərin debüt oyunları

 

Baş məşqçi                              Tarix                            Oyun                                       Hesab

Nazim Süleymanov                 07.08.2004      “Turan” – “Xəzər Lənkəran”              1:1

Rasim Kara                             30.10.2004      “MKT-Araz” - “Xəzər Lənkəran”       0:0

Viktor Pasulko                        12.02.2006      “Xəzər Lənkəran” - “Olimpik”           1:0

Ağasəlim Mircavadov             11.08.2006      “Xəzər Lənkəran” – “Neftçi”             2:1

İqor Ponomaryov                    15.02.2009      “Xəzər Lənkəran” - “Karvan”             0:0

Mirça Rednik                          07.08.2010      “Xəzər Lənkəran” – “Qəbələ”            ?:?


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib