Ayxan Abbasov: «Yuventus» və «Liverpul»la qarşılaşmaq istəmirik»

Ayxan Abbasov: «Yuventus» və «Liverpul»la qarşılaşmaq istəmirik»
XƏBƏR 2 Avqust 2010 / 22:54 2819
-  A +

Zədəsi səbəbindən «Qarabağ»ın Avropa Liqasındakı oyunlarına çıxa bilməyən gənc futbolçu Ayxan Abbasov hələ də fərdi şəkildə məşq edir. Qol.Az-ın müxbiri ilə söhbətində A.Abbasov səkkiz gün öncə məşq zamanı ayağından ciddi zədə aldığını, yalnız bir həftədən sonra ümumi məşqlərə qoşula biləcəyini söyləyib: «Zədəm səbəbindən «Visla» ilə Bakıdakı oyunu da buraxmalı olacağam. İnşallah, növbəti mərhələyə adlasaq və baş məşqçimiz şans versə, Avroliqanın qarşıdakı matçlarında meydana çıxa bilərəm. Mən özüm də oynamaq istəyirəm».
A.Abbasov avqustun 5-də komandasının Polşa «Visla»sı üzərində uğur əldə edərək dördüncü mərhələyə adlayacaqlarına inandıqlarını bildirib: «Bu mərhələdə «Yuventus» və «Liverpul» kimi klublarla qarşılaşmaq istəmirik. Çünki bizim məqsədimiz qrupa vəsiqə əldə etməkdir. Ötən il olduğu kimi, qrupun bir addımlığında dayanmaq heç yaxşı olmaz. Düzdür, bu həftə ölkə çempionatının da oyunları başlayır. Bu mənada, bizə iki cəbhədə mübarizə aparmaq ağır olacaq. Amma ümid edirəm ki, qələbə qazanmaqla azarkeşlərimizi yenə sevindirəcəyik».


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib